- Sevdiyin biri var?
- Var.
- O da səni sevir?
- Hə.
- Hardan bilirsən?
- Hər dəfə oxuması üçün ona verdiyim kitabları geri qaytaranda arasına çiçək qoyur.
- Verdiyin kitabların hamısını oxuyur?
-Oxuyur.
-Hardan bilirsən?
- Kitabda bəyəndiyi cümlələrin altından xətt çəkdiyini görürəm.
- O da sənin kimi insanlığı xilas etmək istəyir?
-Hə.
-Hardan bilirsən?
- Altını xətlədiyi cümlələrdən.
Daha dərin, daha üstün və seçkin ruha malik insanların kütlənin adi istəkləri və ümumi zövqlərindən sıxıntı keçirdiklərinin şahidi oluruq. Yaxud da ruhları yüksələndə və həddindən artıq dərin düşüncələrə qapılanda kütlə və zaman aralarına məsafələrin girdiyini və tədricən tənhalaşdıqlarını görürük. Dahilərin bioqrafiyalarını oxuyarkən anlayırıq ki, onların ən böyük əlamətləri mənsub olduqları kütlə içərisində tənha olmaqdır.
“ Mən bir əsəri oxumamışdan əvvəl əsərin yazılma tarixinə baxıram. Tarixin dəhşətli məngənəsindən sıyrılıb bu günümüzə gəlib çatan, hələ də baxılan, hələ də sevilən heç bir əsər təsadüfi ola bilməz.