Öne Çıkan Seçilmiş Əsərləri kitaplarını, öne çıkan Seçilmiş Əsərləri sözleri ve alıntılarını, öne çıkan Seçilmiş Əsərləri yazarlarını, öne çıkan Seçilmiş Əsərləri yorumları ve incelemelerini 1000Kitap'ta bulabilirsiniz.
Dünya olubdu yanğın, bir qətrə su tapılmır,
Un yox, qəhətdi buğda, xalis çörək tapılmır,
Kimdir desin soyulmur, kimdir desin çapılmır,
Kimdir desin söyülmür, kimdir desin qapılmır?
Məzlum olursa aclar, çox xoşdur əğniyayə.
Bizə lazımdı ki, hər işdə olaq köhnəpərəst,
Gəlməsin şənimizə köhnəpərəstlikdə şikəst,
Biz qəbul eyləmişik çünki onu ruzi-ələst,
Olsa hürriyyət əgər aləmə qismət, bizə nə?
Altı min illik hökumət millətə əyməz boyun,
Heç görübsənmi, çobansız otlaya bilsin qoyun?
Düşdü meydanə beş-on dinsiz çıxartdı min oyun,
Ol oyundan, iştə, bağrı qandılar iranlılar.
Belə bir qövm ki, daim səni təhqir eliyir,
Nə deyirsənsə onu tərsinə təbir eliyir,
Axtarır cüzi bəhanə səni təkfir eliyir,
Belə bir vəhşi cəmaətlə bacarmaqmı olar?
Çox danışsan tükünü küçədə, meydanda yolar.
Bu işləri görən yox, kordur tamam gözlər,
Əntiqə bir vücuduq dünya üzündə bizlər,
Meydanda əyrilərdir, çıxmış kənara düzlər.
Cürətlənib deyən yox, çoxdursa gərçi sözlər,
Bir beş nəfər tapılmır versin səda sədayə.
Məlum, güclü kəslər xalqın qanın içirlər,
Hər işdə, fürsət oldu, insafdan keçirlər.
Bu binəva rəiyyət, hər cür kəsib-biçirlər,
Məcbur olurlar axır hər yerdə xan seçirlər,
Onlar özün hər işdə çünki soxur arayə.