Bu iki genç seviştikten bir uzun müddet sonraya kadar birbirlerine i'lan-ı muhabbet edememişlerdir. "Birbirlerine i'lan-ı aşk etmeksizin nasıl sevişmek olabilir?" der iseniz ben de derim ki muhabbet-i ciddiyeyi lisân i'tirâf etmezden pek çok evvel insanın gözleri, çehresi, hâl ve etvârı onu meydana koyar. Hatta belli etmemek için iltizam olunan ihtiyatlar asıl büsbütün işin tezahürüne sebep olur.