Sivaslı Ruhi Divanı

MUHAMMESLER

5 Şeb-i hecrinde gördüm bir 'alâ'im tâb-ı âhımdan Çıkar nâr-ı şerer eflâke dek fark-ı külâhımdan Göründi bir sitâre sûy-i aksi yine hâhımdan Su'al itdim sururlâb ehline baht-ı siyâhımdan Belâ burcunda necm-i tâli'in gâyetde kem dirler

Sayfa 125Kitabı okudu

BEJ

EZELDEN VERDİĞİN SÖZÜ DÖNDÜN İNKÂR EYLEDİN

1 Akdem ey şûh-ı gül-endâm vaslın ikrâr eyledin Virdin ikrârı ezelden döndün inkâr eyledin 2 Gâlibâ ey Leylî bildin oldıgım Mecnûn-sıfat Zülf-i zencîr-i girih-gîrinde ber-dâr eyledin 3 Nergis-i mestin gibi bîmâre olmış gönlümi Öz lebinden terbiyet dermânı îsâr eyledin 4 Var ola lutfunla çekdin sîneme dâg üzre dâgı Şevk-i zevkim arturup ihsânı tekrâr eyledin 5 Hâm tama'la hâbda küstâhlık itdin Rûhîyâ Bus iderken gerden-i dil-dârı bîdâr eyledin

Sayfa 266Kitabı okudu

Reklam

BEJ

4.MUHAMMES

1 Yüri var zayi' kılma ehl-i derde merhemin hâzık Ana çok çâre sa'ey itdi Felâtûn-ı zamân-ı sâbık Anı hayvân olanlar anlamaz ger olsa da nâtık Dilâ bu remz-i sevdâya giriftâr olmayan 'âşık Ne bilsün cevher-i 'âşkı degildir muktedâ sâdık

Sayfa 129Kitabı okudu

BEJ

BİR DEVÂ KIL DERDİME DÂRÜ'Ş-ŞİFÂYA GELMİŞEM

1 Mücrim-i 'aşkam şehâ lutf u 'atâya gelmişem Bir devâ kıl derdime dârü'ş-şifâya gelmişem 2 Bu ciger sad-pâre kalmak çâresiz lâyık degil Sa'y kıl tedbîr-i derdimde devâya gelmişem 3 Dergeh-i der-bânın olmakdır kader zannım bana Keşf-i rehber pîr ile râh-ı hüdâya gelmişem 4 Bâb-ı devletden beni dûr itme gayrı derine Kıl kabûlün hıdmet üzre hâk-i pâya gelmişem 5 Hâk-i pâyından şifâ bulmuş kamu derd ehi olan Ben o derde zerrece bir tûtiyâya gelmişem 6 Sâ'ilim destim tehî teklîf-i 'avdet eyleme Hak rızâsı-çün 'inâyet it edâya gelmişem 7 Sâye-veş saldı ayaga zahm-ı hecrin Rûhî'ye Dest-gîr ol kıl meded mahsûs recâya gelmişem

Sayfa 283Kitabı okudu

BEJ

DERDİMİN DEVASINI KES

1 Rızâ-yı yâr[ı] istersen gönül nefsin hevâsın kes Cemî'-i mâsivâyı terk kıl dehrin nizâ'sın kes 2 Sevip bir şûh u şengin zülfinin sevdâsı başından Getür özge güzeller 'aşk u sevdâ mâcerâsın kes 3 Yakarken ehl-i 'aşk[ı] sûz-ı hicr-i nâr-ı dûzahın Nikâb it rüyûna ihrâk-ı tekrârın ziyâsın kes 4 Gönüldür mehd-i gamda tıfl-tek efgân iden her ân Visâlin bestesin vir agzına bârî sadâsın kes 5 Güzel hûn-hâr gamzenle idüp kasd cânımı alma Bul ol kâlânın ıssın sor bazâr it hod bahâsın kes 6 Mu'âlic çekme zahmet yok bize kim 'illetim 'aşkdır Halâsım ister isen mühlike derdim devâsın kes 7 Sever maḥbûb-ı Rûhî neş 'e-i mey-hâneden geçmez Bana itme anın-çün zâhidâ minnet recâsın kes

Sayfa 238Kitabı okudu

BEJ

DÖKE DÖKE GÖZÜMDEN AKACAK BİR DAMLA KAN KALMADI

1 Çekdigim cevre cihânda hadd ü pâyân kalmadı Gözlerimden katre katre çıkdı hiç kan kalmadı 2 Seyl-i eşkimdir disem tûfân-ı Nûh 'ucb itmeniz Gûne yaşım dökmedik sahrâ-yı yabân kalmadı 3 Arz kıldım derdimi dermâna vardım dir tabîb Senden öndin aldılar bî-çâre dermân kalmadı 4 Tutmaga dâmânını dâ'im uzatdım 'aksine N' eyleyem döndi felek bir lahza meydân kalmadı 5 Yanmadan dil tut kenârı şevk-i bâg-ı dehrden Başına sâye tutar serv-i hırâmân kalmadı 6 Nûş idüp mest oldı ehl-i bezm benden özgece Bir tolu sâgar tutar meclisde yârân kalmadı 7 Virse gûn-â-gûn sadâ Rûhî yeridir ney gibi Deldi yer yer sînemi 'âlemde peykân kalmadı

Sayfa 323Kitabı okudu