Sizif Haqqında Mif sözleri ve alıntılarını, Sizif Haqqında Mif kitap alıntılarını, Sizif Haqqında Mif en etkileyici cümleleri ve paragragları 1000Kitap'ta bulabilirsiniz.
"Əgər mən ağac, yaxud heyvan olsaydım, onda
mənim üçün həyatın mənası olardı. Daha dəqiq ifadə etsək, mənim üçün mahiyyət problemi aradan qalxardı və mən bu dünyanın bir hissəsi olardım. Kaş, lap əvvəldən bütün şüurumla, sərbəstlik tələbimlə qarşı-qarşıya durduğum bu dünyanın bir hissəsi olaydım!
Heç nəyə dəyməyən bu dəyərsiz idrak məni bütün
yaranışla üz-üzə qoymuşdur və bunu qələmin ucu ilə inkar edə bilmirəm. Mən çox istəsəm də, açıq-aşkar həqiqət hesab etdiklərimi tutub saxlaya bilmirəm. Bu konfliktin, dünya və şüur arasındakı bu uyuşmazlıqların kökündə konfliktin dərk olunmasından başqa nə ola bilər? "
"Ümumiyyətlə, insanın azad olması məni
maraqlandırmır, mən yalnız öz azadlığımı hiss edə bilərəm. Mənim azadlıq haqqında ümumi təsəvvürüm yoxdur, amma bu barədə bir neçə aydın ideyalarım vardır. Ümumiyyətlə, azadlıq probleminin mənası
yoxdur, ona görə də bu, hansısa şəkildə Allah problemi ilə bağlıdır. İnsanın azad olduğunu bilmək üçün onun hər hansı ağasının olub-olmamasını bilmək kifayətdir. Bu anlayışların eyni olması onu xüsusilə absurd edir və azadlıq problemini qarşıya qoyur, eyni zamanda da onu hər cür mahiyyətdən məhrum
edir. Çünki Allahın iştirakını nəzərə aldıqda, azadlıq problemindən daha çox şər problemi yaranır. Bunun alternativi məlumdur: ya biz azad deyilik, şərə görə məsuliyyəti hər şeyə qadir olan Allah daşıyır, ya da biz azadıq, hər şeyə cavabdehik və Allah hər şeyə qadir deyildir. Müxtəlif məktəblərin bütün incəlikləri bu
paradoksun ciddi kəskinliyinə indiyədək heç bir şey əlavə edə bilməmişdir."
"Zaman bizi fərəhsiz həyatla günbəgün irəli aparır, amma elə bir an gəlib çatır ki, çiyinlərini yükün altına verməli olursan. Biz daim gələcəklə yaşayırıq: "sabah", "sonra", "vəziyyət yaxşı olanda", "böyüyəndə başa düşərsən". Bu məntiqsizlik heyrət doğurur - axı, ən nəhayət, sonda ölüm yetişəcək! Zaman çatanda insan anlayır ki, məsələn, onun otuz yaşı vardır. Öz gəncliyini hələ hiss etdirsə də, yaşadığı zamanın içindədir, oradakı mövqeyini dərk edir, artıq qrafikin bəlli nöqtəsində olduğunu etiraf edir. O, zamana tabedir və dəhşətlə dərk edir ki, zaman onun qəddar düşmənidir. Əvvəllər onun da sabah barədə arzuları var idi. İndi isə bilir ki, onlardan imtina etmək lazım gəlir. Bax bu, keçid üsyanıdır, elə absurdun özüdür."