- Deyəsən yavaş-yavaş anlamağa başlayırsan
+ Nəyi?
- Dünyanı, cəmiyyəti yox özünü dəyişməli olduğunu.
+ Batan bir gəmidə özünü dəyişmiş insan da batır, cəmiyyət də batır. Deməli mübarizə aparmaq və hər kəsi dəyişməyə çalışmaq lazımdır. Bir insan özünü dəyişməklə batan gəmini xilas edə bilməz.
- Amma insan özünü dəyişib batmayan gəmi icad edə bilər. Sənə sənin həqiqətlərin mane olur. Əsl həqiqət hər kəsin gözü önündədir amma gözlərinizi yalan sarğıları bağlayır.
Bəlkə də günah onda idi ki, daha çox kitablarla dostluq edirdim nəinki məhəllə uşaqları ilə. Təbii ki, dostları Kafka, Servantes, Hüqo, Dikkens, Platon, Kant olan insan öz cəmiyyətini də daha ideal hesab edəcəkdi.. (ama)
Onlar məndə öz güzgülərini görmək istəyirdilər, mən onlar kimi şit zarafatcıl, zəif, xaraktersiz və sadə olmalı idim.. Mən isə sən demə onların güzgüsü deyilmişəm. İllər keçdikcə onlardan daha da fərqlənir, dərinləşir, mürəkkəbləşirdim. Onlar bunu özündən razılıq və soyuqqanlılıq kimi qəbul edirdilər.