Yenə olduqca təsirli, olduqca maraqlı və olduqca vətənpər bir ruhda yazılmış Elatlı kitabını bitirdim. Və həmişəki kimi olaraq, yenə də göz yaşlarıma hakim ola bilmədim. Kitab insanda elə bir maraq oyadır ki, insan oxuduqca oxumaq istəyir. Və bunu da deyim ki, sizdən çox xahiş edirəm, bu kitab detektiv əsərdi deyib, adicə, tez-tələsik oxuyub keçməyin. Son vaxtlar baş verən intiharlar, insanların bu olub bitənlərə verdiyi reaksiyalar kitabda elə gözəl və aydın şəkildə əks olunub ki, mənim fikrimcə oxuyub çox böyük nəticə çıxarmaqda fayda var. Kim bilir bir cümlə ilə bir insanın həyatını yaxşı tərəfə necə dəyişdirmək olar. O ki, qaldı kitabda sürən 44 günlük müharibədən bəhs olunması, həmin torpaqların qaytarılması ilə bağlı olan inam insanı həqiqətən də çox təsirləndirir. Elə odur ki, Vətən yolunda canından keçən hər bir Şəhidimizə rəhmət diləyərək kitabdan olan incələməni bitirirəm..
15.08.20 ( Elzamin): -May ayında mütləq Laçına gedəcəyik!
