Quran Peyğəmbərin (s) əbədi möcüzəsidir və hər an öz təravətini saxlayır. Bundan əlavə, Allah Rəsulunun (s) bəşəriyyətin gələcəyi ilə bağlı qeyb xəbərləri, İslamın tarix boyu çoxlu dəyişikliklərə məruz qalacağı, nəhayət İslamın dünyada zəfər çalacağı, əzəmət və üstünlüyə sahib olacağı Peyğəmbərimizin başqa bir möcüzədir. İmam Mehdiyə (ə), yəni Allahın pak dinini kainata hakim edəcək, yer üzünü rəhmət və ədalətlə dolduracaq birinə iman etmək İslami bir inancdır və bütün inanc qrupları və məzhəbləri tərəfindən qəbul edilir. Çünki Allah onun zühurunu vəd etmiş və Allah Rəsulu (s) qəti olaraq müjdə vermişdir. Onun Doğulduğu və ya sonra doğulacağı ilə bağlı ixtilafın bu inanca heç bir təsiri yoxdur. O rəhbər tezliklə dünyadakı bütün insanları Kəbədən çağıracaq; Oradan Mədinəyə, İraqa, Şama, Qüdsə və oradan da dünyanın hər küncünə yola düşəcək. Təxminən iyirmi il əvvəl “Zühur əsri” adlı bu əsəri yazmaqda məqsəd İmam Mehdinin (ə) Zühur dövrünü Quran ayələri və Əhli-beytin kəlamlarına əsaslanaraq, mükəmməl şəkildə, aydın dillə təsvir etmək idi.
