h
Helbest
31 üyeTakip
Şiirler ve edebi paylaşımlar.
Mîna min
Min têra xwe bajar û bajarok dîtin
Hinek ji wan dişibiyan xewnên min;
Rengereng û kemberzivîn.
Min gelek çem û robar dan ber bayê xwe
Hinek ji wan dişibiyan min;
Delodîn, diltenik û bejinzirav.
Min gelek mrov nasîn
Tev dişibiyan welatê min
Sîngesmer, zarşîrîn û bi birîn.
Min gelek demsal şopandin;
Bêhtirîn wan
Baskên xwe dîyarî azadiyê kiribûn
Mîna min.
Berken Bereh
Lê
eger evîn
nikaribe
dawiyê li xwe bîne
bi rastî jî dikare
dawiyê li xwe bîne?
Erich Fried
diyarî
diya min hêviya birrek nevî ji min dikir
bavê min doza keriyek pez
min da dû bayê dilê xwe
ba û bager birazava
berf û pûk berbû
bi çiyayekî re zewicîm
min çavekî xwe
diyarî kendalekî boz kir
lingê xwe
bo newaleke tazî û kûr
min bedena xwe da axeke sêwî
da sebra xwe pê bîne li rojên teng û tarî
