kreys13
@kreys13
36 okur puanı
Eylül 2018 tarihinde katıldı
Reklam
2743Şiir
Mənim səndən uzaqlarda
Yamandı halım, necəsən?
Özgəsinə qismət olan
Cahı-cəlalım, necəsən?
Yalana döndü gerçəyim,
Ay gözəlim, ay göyçəyim,
Çəmənim, çölüm, çiçəyim,
Pətəyim, balım, necəsən?
Daşam yolun üstü bitən,
Nə sirdi anlamaz yetən.
Gözü, könlü dil-dil ötən,
Dilləri lalım, necəsən?
Zər-zibam, ləlim, gövhərim,
Yaqut-yəmən, simu-zərim,
Barmaqları bəxtəvərim,
Başı bəlalım, necəsən?
Üzün dönməz mənə sarı,
Yarı öz ömründən, yarı.
İbrahimin sitəmkarı,
Necəsən, zalım, necəsən?
İbrahim İlyaslı
2743Şiir
Elə darıxıram ki,
Az qala, evdən çıxıb
Sənin arxanca gəlsin
Mənim ayaq izlərim
Ay balaca xanimim,
Mən sən boyda sevməyi
Axı harda gizlədim?
Vallah, qəlbin qəribədi
Nə qıfıl düşür, nə açar,
Gəl, mənlə söz güləşdirmə
Bir qucaqlıq canın var
Elə gülümsədin ki
Bütün bu ağlamaqlar
Dodaqlarında itdi
Hə,balaca xanımım
Sənlə müqayisədə
Xoşbəxtlik çox bəsitdi.
Durub səndən baxanda
Ağrımaq da gözəldi
Özümdən qaçan hisslərim
Sənə çatıb gözlədi
Gözlədi ki, yapışıb
Tutasan barmağımdan
"Səni sevirəm" sözün
Beləcə, bir öpüşlə
Alasan dodağımdan
Puan vermedi·152 syf.·
Beğendi
·2020 2. kitabı
2743Şiir
Sənin bəhrən yiyən kimdir?
Kiminkisən, yiyən kimdir?
Sənə dogru deyən kimdir?
Yalan dünya, yalan dünya!
Atı əzəl dağa saldıq,
Yorulduqca dalı qaldıq,
Atı satdıq, ulaq aldıq,
Yəhər oldu palan dünya.
Səni bayquşlar alqışlar,
Dəli viranəni xoşlar,
Dolan əqlə səni boşlar.
İçi boşla dolan dünya.
Ocaq ikən sönənmişsən,
Çanaq ikən çönənmişsən,
Nə pis qarı nənəymişsən,
Nağıl, yalan-palan dünya.
Biri ayna, biri pasdır,
Biri aydin, biri kasdır,
Gecə toydur, səhər yasdır,
Gül açdıqca solan dünya.
İgidlərin başın yiyən,
Qocalar bozbaşın yiyən,
Qəbirlərin daşın yiyən,
Özü yenə qalan dünya.