Bir də ki nə fərqi vardı? Onsuz da hamı ölürdü - yaxşı da, pis də; güclülər də, gücsüzlər də; həyatı sevənlər də, sevməyənlər də. Hamı ölürdü. Bircə nəfər kimi...
Bilirəm. İnsanın xisləti belədir; o, qan-tər içində yeni sivilizasiyaya qədəm qoymamışdan öncə vəhşi cahilliyin qaranlığında yaşamağa məhkumdur. Elə ki artdıq, dünyada hamıya yer çatmadı, başlayırıq bir-birimizi öldürməyə.
İnsan işinə yarayan heyvanları əhliləşdirib ev heyvanlarına çevirdi, özünə düşmən bildiklərini yer üzündən sildi, bitki aləmini məhv elədi. Sonra özü də yox oldu və həyat yenidən ibtidai formasına qayıtdı.