Li gundên ser keviya mayinan, jiyan bi hemû haweyê xwe merez bû. Di
her guhertina komutanekî hidûd de her tim hin qedexe dihatin danîn.
Gundiyan ji van qedexan re digotin »Qanûnên romê.« Komutanan di
gundan de pêşî xwedîkirina hespan qedexe kirin. Dûv re bi şev ronahiya
luks û lempê, dûv re çûn û hatina bajêr a bi şevê qedexe kirin.
Qedexe ji
qedexê veket heta ku giha şevbihêrka gund û lîstika hingulîskê.
Gundiyan mîna demên rabihurî ewqasî êdî nema cesaret dikirin ku bi
Şev ji mala xwe derkevin û li maleke xuyayî şevbihêrkê bikin..
