youtube.com/watch?v=ljv2TWk...
Āşıḳam meftūn-ı cānān olmayan bilmez beni
Ḫançer-i ʿaşḳ ile ḳurbān olmayan bilmez beni
Añlamaz aḥvālimi her şūfi-meşreb müdde-i
Bāde-nūş-ı bezm-i ʿirfān olmayan bilmez beni
Arturup sevdā ser-i pür-şūra her dem zülf-i yār
İtdiren hep ʿaşḳ-ı dil-berdir baña terk-i diyār
Ehl-i derdem sırrımı nā-dāna itmem āşikār
Ḥikmet-i ʿaşḳ içre Loḳmān olmayan bilmez beni
Māʾilem bir şūḫa cevr eyler ben itdikce niyāz
Raḥm idüp bir dem dil-i bimāra olmaz çare-sāz
Öyle zār itmiş beni ol Yūsuf-ı iḳlim-i nāz
Hicr ile Yaʿḳūb-ı Kenʿān olmayan bilmez beni
Sāḳ-i ʿirfān elinden nūş idüp peymāneyi
Tār-ı zülf-i yāre bend itdim dil-i dvāneyi
Hep ʿalāyıḳdan geçüp itdim vaṭan mey-ḫāneyi
Faḳr iḳliminde sulṭān olmayan bilmez beni
Ḫalḳ-ı ʿālem şekker-i laʿl-i lebinden kām-yāb
Ḳalmışam bi-behre ben ancaḳ esr-i tef ü tāb
Mürġ-i cānım Ḥāmiāsā oldı firḳatle kebāb
Ḥasret ü sūz ile biryan olmayan bilmez beni
Bazı şey/ler !
- Yürek/le sêz/ilir..!
Bırak, yüreğin konuş/sun..