Faiq Sözleri ve Alıntıları
Faiq sözleri ve alıntılarını, Faiq kitap alıntılarını, Faiq en etkileyici cümleleri ve paragragları 1000Kitap'ta bulabilirsiniz.
Bir sakit bucaqda
Axıdılan göz yaşı
Yanaqlardan savayı
Heç nəyi yandırmır... İndi özün bil...
Xoşbəxtliyi əlindən salmamaq üçün
Xoşbəxtlər dönürlər qorxağa
Xoşbəxtlik yaş balıq kimidir, dostum
Heç vaxt tələsmirəm xoşbəxt olmağa...
Biz xoşbəxtliyi həmişə çıraqla gəzmişik
Guya xoşbəxtlik iynədir, düşüb samanlığa
Xoşbəxtlik çiyinlərimizə qonanda heç bilməmişik...
Gözlərimin qabağında sudan çıxarılmış balıq kimi çabalaya-çabalaya ölür vaxt.
Bu dünyada ən böyük dərd, vaxtın ölməyini görməkdi...
Yarpaqların üzündə ölüm kölgəsi
Azca yel əsdi... Bəsdi
Budaqdan torpağacan uzanacaq
Yarpaqların ömrünə əl yelləməsi.
Yarpaqlara təsəlli vermək istəyirəm- təsəlli vermək
Heç nəyini vermək kimidir.
Neyləyim, kasıbın olanından!
Yağma, qar!
Məni qarabuğdayı doğub anam
Çətin ağaram...
Tutaq ki, ağartdın saçlarımı
ağartdın dabanları yeyilmiş
42 ölçülü ayaqqabılarımı.
Tutaq ki, ağartdın geyimimi-keçimimi
Ağarda bilməzsən bəxtimi
Özünü yorma qar, yağma qar..
Çətin ağaram...
Baxmaq istəyirəm gözlərinə mən
ancaq baxışların dönüb qaçır hey
Əllərin üşüyür, gizləmə məndən
verim ürəyimi əllərini gey...