Mitan Şareza Sözleri ve Alıntıları
Mitan Şareza sözleri ve alıntılarını, Mitan Şareza kitap alıntılarını, Mitan Şareza en etkileyici cümleleri ve paragragları 1000Kitap'ta bulabilirsiniz.
"Dev li çûyina xwe ya hatinekê ke
Bila bi bêrîkirinên me bihese
Bila çavên birçî di xelatîya hezê de
ji kîsên pênûsê nexwe"
Dema ku bi te, tenêtîya vî bajarî
di cîyê xwe de wekî pelan, bêaramîya xwe li dil biqîre
strana ku bi dehan qufilan, devê wê hatibû dadan
dibe teqîneke xwekujîyê, di vîna berbanga min de
û ew çavên li rê, disincire wekî sêleke sor
Her rabirdûyên ku di xapa demjimêran de
bejn û bala rojên winda, di awêneya zemên de diderizîne
û dixemilîne bûka baranê, di paceya zavatîya dîdarîyê de
Lê li vegeran, heta niha qet nebarîyaye navê te
Wekî dasekê bêfikar
şev û rojên min ji bîrawerîyan re biçine
û dayîne kulîna êşên ku di destên bêxewîyê de
da ku, bila bibe di mihraba te de mêvanê doza işqê
"îro peyvên min çi li xwe ke tazî dimîne. Ax!
Mirin têra her kesî dike, lê bi tere jîn firek av e"
Tîr dibûn ji xwînê
Zarokên ku desmala bê li ba dikirin
çend hezar car hatine kuştin
Payîza dilê min, çend sal çê bû?
"Pelweşînê! Te rojên min
bi dengvedanekê dehf da bêdengîyan
Êdî şikandina xwe, di destên kesên din de dimalim"
Gurzek nermînîya wateya te, ji hestên min diçilmise
Beyarbûyîna bêzarîya xwe, ji axa te dibihîsim
û li vê tofana hundirê min binêre
Nikare te ji ser pişta pêtên eşên xwe biavêje
Belê!
Her şev
ji wê şevê fêr bû
Hûr dinalim ji te