Sənin təsvirinçün sözlər yetərsiz,
Bütün misralara sevgin rəng qatır.
- Mənim sevdiyimin saçları əsmər.
- Mənim sevdiyimin yanağı batır.
İndi uzaqlardan yazıram sənə:
- Səninçün darıxdım, səni özlədim.
Bütün varlığımla sevdiyim qadın,
Yenə gülümsəyir gözəl gözlərin?
Bir anlıq baxışın bəs edir mənə,
Gözlərin ruhumun Yer çəkimidir.
Gəl yığ ürəyimin parçalarını,
Qəlbim dağıdılmış pazzl kimidir.
Dəli küləklər əsər,
Küləklər şəhərində.
Yenə işıqlar sönər,
Yenə yoxdur şamımız.
Yenə yağışlar yağar,
Tavandan döşəməyə.
Bu qaranlıq içində,
Yenə damar damımız.
Yenə də darıxmağın
Zirvəsinə çatarıq.
Yağış... Qaranlıq otaq,
Darıxarıq hamımız,
Və birdən mesaj yazar:
Salam, darıxmışam çox...
Bizə ən uzaqdakı,
ən yaxın adamımız...
Nə olsun ki, uzaqsan?
Allahın hər günündə
Yadıma sən düşürsən.
Mənə elə gəlir ki,
Hər şey yaxşı olacaq.
Sən nə fikirləşirsən?
Bəs sənə necə gəlir?
İlin günün bu vaxtı
əl-ələ tutmaqdansa
dərdə tuturuq çətir.
Sənsiz olduğum hər an
Mənimçün ayrılıqdır.
Bilirəm bu illəti,
Ağrılar gecə gəlir...
İki gözüm səbr elə,
Səbr eləməkdən başqa
Nə gəlir əlimizdən?
Ayaqda qalmalıyıq
Məsafələrə inad.
Axı iradəmizdən
Allah da gücə gəlir.
Nəysə, daha gecdi ee,
Dərd eləmə, düzələr,
Ayrılıqdı, oldu da...
Kitabdan çox alıntı paylaşmaq istəmədim.
İlk bir kitabdır ki, 1 ay ərzində hara getdimsə kitabı da özümlə apardım və hər gün eyni şeirləri təkrar-təkrar oxudum.
Şeirlərin səni unutmayacaq, unutdurmayacaq Məlik Cahan. Ruhun şad olsun 🤍🌿
Eşitdim ki, dünən məni soruşmusan
Dostlarımdan.
Sən nə əcəb? Səndən belə...
Maraqlandın mənlə belə?!
Soruşmusan ki, necəyəm,
Mən necəyəm?
Necə olum?
Bildiyin kimi, belə də...
Bu platformada kitab haqqında tək bir inceleme var o da mənfi yöndədir. Bu kitab haqqında inceleme etmək fikrim yox idi. Amma düşündüm ki,kitabın profilinə girib baxan kəslər mənfi incelemeni görüb oxumaqdan vaz keçərlər. Ona görə də həm mənfi ,həm müsbət bir rəy olsun istədim.Mən sevdim kitabı. Düşünsək ki,bu şeirləri adi bir gənc yazıb olduqca qənaətbəxş hesab edilə bilər. Əksərən alıntılardan yola çıxdığım kitablar məni qane eləmir. Lakin bu dəfə əksi oldu. Düzdür sətirlər sadədir. Hər oxuyanın anlayacağı şeir tipidir. Bəzi yerlərində dərin mənalı sətirlər var sadəcə. Amma yenədə bu şeirlərin pis olması mənasına gəlməz. Son zamanlar hər yerdə bu kitabın alıntıları qarşıma çıxırdı və yaxşı ki,mən də oxudum. Çox vaxt aparacaq bir kitab da deyil 1-2 saata bitər və oxusanız heç nə itirməzsiniz.
Kitabdakı şeirlərin məğzi sevgidir. Burda ayrılıq da var,həsrət də var... Məni kitabı oxumağa sövq edən şeylərdən biri də yazarın intihar edərək özünü öldürməsi idi. Və düşündüm ki,bir daxili böhran keçirib intihar etmək dərəcəsinə qədər gəlib çatan birinin şeirləri çox güman ki,çox təsirli olacaq. Düşündüyüm kimi də oldu. Kitabı bəyəndim mən. Hər kəsə xoş mütaliələr.
Belə düşünürəm ki, Azərbaycanda ən yaxşı şeir yazanlar şair deyillər. Yəni özlərini şair adlandırmırlar. Nə zamansa, günümüz şairlərinin şeir kitablarını əlimə alsam, hamısında eyni mövzuların, eyni yazılış tərzinin olduğunu görürəm. Hələ erkəndir, bir neçə də şairimizin şeirlərini oxuduqdan sonra Azərbaycanda şeirin yeni şairlərimiz tərəfindən qətlə yetirildiyini söyləyə bilərəm rahat şəkildə.
Məlik Cahanının şeirlərini oxudum, amma burada bir dənə belə olsun mənə cazibədar şeir görünmədi. Bir misranı oxuyursan, artıq bilirsən ki, digər misra nədir, hətta ondan sonrakı. Olduqca bəsit ifadə tərzi, dəfələrlə eşitdiyimiz cümlələr. Yenə aşiqik, yenə biz yatırıq, dərdimiz oyanır. Kaş burada olsa, son dəfə görsəm onu. Nə təsadüf gecə yenə 3-dür. Mən yatammıram, qurban olum sən yat.
Yenə bədənimiz sağdır, ruhumuz ölüb.
Bəylik geymək xəyalım, ah gəlinlik geymək xəyalım..Əzbərlədim daha. Demirəm, toxunmayın bu cür mövzulara, amma fərqli izah edin o duyğuları. Səni sevirəm cümləsi ilə şeirin misrasını doldurmayın. Sevginizi və digər duyğularınızı daha dərin cümlələrlə oxucuya çatdırın.
Badclause dinləyirmiş Məlik Cahan( buna aid şeiri var idi.). Kaş badclause kimi də yaza bilsə idi.
Xülasə, şeirlər olduqca zəif idi. Oxuduğuma peşman oldum.