...Sağımız-solumuz adamla dolu,
Qol-qola kişilər, qadınlar keçir.
Özündən xəbərsiz, ömründə min yol
Özünü öldürən adamlar keçir.
Keçir öz qanına batan adamlar,
Bir də ki, qan hanı?
Qan axı yoxdu.
Hamı günahkardı dünyada, amma
Dünyada heç kəsin günahı yoxdu.
Yenə bu şəhərdə üz-üzə gəldik,
Neyləyək, ayrıca şəhərimiz yox.
Bəlkə də, biz xoşbəxt ola bilərdik,
Bəlkə də, xoşbəxtik, xəbərimiz yox.
Aradan nə qədər il keçib görən, -
Tanıya bilmədim, məni bağışla.
Mən elə bilirdim, sənsiz ölərəm,
Mən sənsiz ölmədim, məni bağışla!
"Ölmədim" deyirəm, nə bilim axı, -
Bəlkə də, mən sənsiz ölmüşəm
Bu yerləri, bu göyləri
Yağış yuyur, gün qurudur
Bu dünyada çox şeyləri
Yağış yuyur, gün qurudur
Gözümüzün yaşını da
Bağrımızın başını da
Qəbrimizin daşını da
Yavas-yavas sevdim seni,
Her gun bir az da sevdim.
Ən cox bu qis sevdim seni,
Qarda, ayazda sevdim.
Gor bir ne tez isinisdik
Havalar soyuyanda.
Adamlar qalin geyinib,
Agaclar soyunanda.
Qar altından bas qaldiran
Cicektek sevdim seni.
Istisine qizindigim
Ocaqtek sevdim seni.
Hele bu cur sevmemisdim
Omrum boyu hec kimi.
Seni sevdim qar ustunde
Yem axtaran qus kimi.
Qorxa-qorxa bu subh cagi
Ne baxirsan goye sen?
Deyirsen ki, gunes cixib,
Qar eriyir deyesen…
Ramiz Rövşən
Bizsiz yazılmışdı bu tale, bu baxt,
Sapanddan atılan bir cüt daşıq biz.
Bəlkə bu dünyada
on-on beş il yox,
Min il bundan qabaq ayrılmışıq biz.
Bu görüş sonuncu görüşdü daha
"Bu gün ayrılırıq" deyib gəlmişdin.
Bəs niyə mənimlə son ayrılığa
Ən gözəl donunu geyib gəlmişdin?
Bəs niyə o cürə gözəldin onda?
İndi bunu necə yozum bilmirəm.
Bəlkə də son dəfə mənim yadımda
Gözəl qalmaq idi arzun, bilmirəm.
Bir sevgi yarımçıq qırıldı o gün
Yağış da kəsildi, bulud da getdi.
Bir qızla bir kişi ayrıldı o gün,
Hərəsi bir yana üz tutub getdi.
O qızdan gözəl qız tapılmaz daha,
Daha o kişidən igidi yoxdur.
Amma bu dünyada xoşbəxt olmağa
Daha heç birinin ümidi yoxdur.