Hakkında
Tam adı:
Vüqar Paşayev
Unvan:
Şair
Doğum:
Azerbaycan, 24 Ağustos 1988
Ölüm:
Azerbaycan, 29 Ağustos 2020
Okurlar
138 okur beğendi.
84 okur okudu.
52 okur okuyor.
319 okur okuyacak.
4 okur yarım bıraktı.
Sözler ve Alıntılar
getdi...
Bədbəxtdir o aşiq ki, könül sirdaşı getdi,
Ömrün nədi mənası ömür yoldaşı getdi.
Aşiqlə yarın yolları ayrıldığı gündən,
Zənn eylə qopub bəxt üzüyündən qaşı, getdi.
Yar saldı gözündən məni, bir surətə düşdüm,
Kim saldı nəzər axdı gözündən yaşı, getdi.
Bir dosta dedim, gəl sinəmin yarələrin say,
Üçdən birin hesablamamış yaddaşı getdi.
Zalım elə baxdı, ürəyim titrədi tir-tir,
Min yarə vurub bağrıma xəncər qaşı, getdi.
Sevda çölünü gəzməyə çıxdıq neçə aşiq,
Məcnun idi ən başda gedənimiz, başı getdi.
Kim bilməsə sağlıqda nədir zövqü-məhəbbət,
Öldükdə deyərlər naşı gəldi, naşı getdi.
Çəhd eylə, Vüqar, ömrünü mənalı keçir ki,
İz qoydu desinlər, deməsinlər yaşı getdi.
Sayfa 71 - Parlaq imzalarKitabı okudu
Gülüm
Gül ki, ey qönçə dodaqlım, ki baxıb mən də
gülüm,
Tanrı bir başqa gözəllik yaradıb səndə, gülüm.
Oyanıb naz ilə hər sübh dararsan zülfün,
Tellərin ətrini yellər səpələr kəndə, gülüm.
Seyri-gülşəndə çıxıb seyr eləsən naz ilə,
Baş əyər fəxr ilə güllər sənə gülşəndə, gülüm.
Mürği-dil boylanar hərdən qara xalın tərəfə,
Ac quşun bir gözü adətdi qalar dəndə, gülüm.
Öz əliylə bəzəyib həzrəti-memar səni,
Sonra göydən yerə göndərdi nümayəndə,
gülüm.
Elədim zülfü-pərişanına bir dəfə nəzər,
Fikrim ondan sora ta oldu pərakəndə, gülüm.
Mərhəmət eylə, Vüqar, bəxtiqarənin gününə,
Bəlkə, biz də çıxarıq bir yana sayəndə, gülüm.
Sayfa 95 - Parlaq imzalarKitabı okudu
Gözünü qırpmadan sənçün öləni,
Sən göz qırpımında atıb gedərsən.
Səni qəlb taxtında Yusif biləni
Sən qul bazarında satıb gedərsən.
Sənsiz
Sən gedib məndən alandan məni qaldım sənsiz,
Gəlmədin, gözləri yollarda qocaldım sənsiz.
Bir qərib şam işığı, bir həzin hicran otağı,
Sənlə birlikdə keçən günlərə daldım sənsiz.
Eşq bazarına getdim, belə sevda etdim,
Fǝrǝhi, nəşəni satdın, kədər aldım sənsiz.
Getmisən, badeyi-hicran içirəm, ey daşürək,
Vəsl peymanəsini daşlara çaldım sənsiz.
Hicr döndərdi könül mülkünü qəm vadisinə,
Neçə qəmlə dolu karvan yola saldım sənsiz.
Taleyim qarə, günüm qarǝdi, bəxtim qarə,
Məni hər gün qara basdıqca qaraldım sənsiz.
Ayrılıq bağçalarından sarı güllər dərdim,
Sarı güllər kimi həsrətdə saraldım sənsiz.
İntizarınla nələr çəkdi Vüqar bəxtiqara,
Səni hər qəmli küləkdən xəbər aldım sənsiz.
Sayfa 79 - Parlaq imzalarKitabı okudu
Yerdə
Kirpik oxunu sinəmə yar atdığı yerdə,
Ox da necə ox, güllər açar batdığı yerdə.
Nadan qara daş parçalarından nə danışsın,
Sərrafi-süxən gövhər alıb-satdığı yerdə.
Pak eşq əhli gərəkdir o qədər yüksələ, ya Rəbb,
Görsənməyə cahillərin əl çatdığı yerdə.
Sayfa 77 - Parlaq imzalarKitabı okudu
İletiler
Vaxtsız köçən şair...
Bədbəxtdir o aşiq ki, könül sirdaşı getdi
Ömrün nədi mənası ömür yoldaşı getdi
Bir dosta dedim gəl sinəmin ya'rələrin say
Üçdən birin hesablamamış yaddaşı getdi 
Vüqar Biləcəri
Göz yaşımı tökdükcə gözümdən selə döndər
Sən yaxşı bilirsən elə döndər,, belə döndər
Ya Rəbb, məni ahəstə həzin bir yelə döndər
Yarın qara saçlarına çəkim şa'nə ləzətdi Vüqar Biləcəri
Güli-behiştə naz edər,
Saçından aldığım ətir.
Oxunmamış kitab kimi
Maraqlısan sətir-sətir.
Gülümsə, ruhumun gülü,
Gülüşlərinlə yaz gətir.🌸
Vüqar Biləcəri
Yorumlar ve İncelemeler
Kitabi 2 defe oxudum bir sozle mohtesemdi
"
Apardı bir qərib xəyal yaman məni uzaqlara
"
Vüqar Biləcəri
