Fantastik kitabları sevməsəm də buna bayıldımm.
Kitab bir savaş məktəbinə qəbul olmuş bir qızın həyatından başlayıb, tanrıların gücü ilə ölkələrin yandığı bir nöqtəyə qədər uzanır.
Başlarda sadə və əyləncəli gedir, personajları tanıyırıq və onların məktəbdəki sərgüzəştlərindən bəhs edilir. Daha sonra ölkədə başlanan müharibə ilə hamsının həyatı alt-üst olur. Çox sarsıcı epizodlar var, oxuya bilmədiyim hissələr oldu. Kitab baş qəhrəman Rinin məktəbə gəldiyi vaxtdan etibarən həyəcanını qoruyur.
Bəzi hissələrdə hadisələr çox sürətli yaşanır, əsas da müharibənin başladığı hissədə. Ümumiyyətlə kitabın əvvəli ilə sonu elə bir başqa kitablardı. Əsərdəki bir çox personajın özünəməxsus maraqlı bir hekayəsi var, hadisələr 1 ya 2 nəfər ətrafında getmir. Bir maraqlı tərəf də odur ki əsərdə sevgi hekayəsi yoxdu.
Fantastika ilə tarixi bir kitabın qarışığı kimidi çünki kitabda real yer adları çəkilir və Çin mədəniyyəti əsasında yazılıb.
Kitab trilogiyadı, növbəti oxuyacağım kitab da bunun davamı olacaq.
Film izləyirmiş kimi oxunan bir kitab.
Kitabın 3 əsas personajı var amma əsərin 90%i Tuna adlı həssas və xəyalpərəst bir kişinin dilindən yazılıb. Tuna bir səhər oyananda ölkədə çıxan vətəndaş müharibəsinə görə onu əsgərə aparırlar. O bundan çox sarsılır və bir neçə aylıq hərbi xidməti boyunca özünü yuxuda hesab edir, xəyal və gerçəklik arasında gedib gəlir.
Tunanın xəyallarının və xatirələrinin baş rolunda isə uşaqlıqdan bəri sevdiyi qız Ada və qardaşı Aras var. Ada çox rəngli bir qızdı,. Tuna ilk gördüyü andan Adaya takıntılı bir şəkildə aşiq olur, lakin Tunanın 3-cü şəxs olduğu sevgi hekayəsinin əsas qəhrəmanları Ada və Arasdı. Onlar da uşaqlıqdan bəri bir-birlərini sevirlər və məncə çox şirin bir münasibətləri var. Tuna həmişə onlara qıraqdan baxır, yaşının kiçikliyi səbəbilə Adaya olan hissləri isə onsuzda ciddiyə alınmır. Kitabdakı digər personajlar da çox rəngli və maraqlı insanlardı.
Çox axıcı maraqlı kitabdı, oxuyanda insan dincəlir.
Bu gözəl kitabın sadəcə 3 incələməsi var ona görə də mütləq haqqında yazmalıyam.
Kitab insan bədənindəki müxtəlif ağrılar haqqındadı. Kitab boyunca nümunə olaraq bir ağrı gətirilir, onun elmi açıqlaması verilir hansı ki bu hissələr biraz qarışıq gələ bilər. Sonra adətən o ağrını yaşamış real bir pasiyenti haqqında danışır ki bu çox maraqlı olur. Oxuduqca çox şey öyrəndim və belə informativ kitabları necə sevdiyimi düşündüm.
Sonlara doğru isə sağlamlıq, ağrılar və nəfəs alma haqqında çox dəyərli məsləhətlər verir müəllif. Çox bəyəndim.