Bəy Atlı Şeirlər
Vaqif Bayatlı OdərEn Yeni Bəy Atlı Şeirlər Sözleri ve Alıntıları
En Yeni Bəy Atlı Şeirlər sözleri ve alıntılarını, en yeni Bəy Atlı Şeirlər kitap alıntılarını, etkileyici sözleri 1000Kitap'ta bulabilirsiniz.
Mən səni sakitcə,
yavaşca sevmək istəyirəm,
Tanrıdan yazılantək.
Bir balaca quş
öz balaca yuvasının
küncünə qısılantək.
Kim bilir bəlkə də
heç yerli-dibli yoxdu dar ağacı,
Kəndir Tanrı sevgisitək
göyüzündən uzanır,
Tanrının əlindədi
kəndirin son ucu.
göyüzünün dar ağacından
doğulur şairlər.
Hər şair elə bilir
dünyanın son şeirini
o yazacaq, o ancaq,
bu dünyada şeir də, söz də
onunla qurtaracaq.
Unudulacaq bütün sevdalar,
Unudulacaq bütün nəğmələr,
Unudulacaq unudulmaz hər nə var,
Ancaq təkcə mən səni
yenidən sevməkçün hər bahar
yenidən unudacağam.
Qara qız ol, qara torpaq,
ol dəlin olum sənin.
Gir qoynuma, tək məni sev,
Son sevgilin olum sənin.