Nûbihar Dergisi - Sayı 104
Nubihar DergisiEn Beğenilen Nûbihar Dergisi - Sayı 104 Gönderileri
En Beğenilen Nûbihar Dergisi - Sayı 104 kitaplarını, en beğenilen Nûbihar Dergisi - Sayı 104 sözleri ve alıntılarını, en beğenilen Nûbihar Dergisi - Sayı 104 yazarlarını, en beğenilen Nûbihar Dergisi - Sayı 104 yorumları ve incelemelerini 1000Kitap'ta bulabilirsiniz.Hotvîn • Kamîran Alî Bedîrxan
Rûyê te çeleng e lêvên te gulreng
çavên te stran in lê, bê gotin û deng
çermê te spêde ye binê wî de tav
Lamên te rohelat spehî yî bê nav
Lêva te sûlava maç û ramûsan
Bi sînga te dilê min çiqas kamiran
Hawar, hejmar 15, 23 çileyê Berê 1932
Ax!
ez wenda dibime
di nav hesabê hundirê xwe de
kes min nabîne.
ez xerîb im.
bi serê xwe mame
nav welatê bav û kalê xwe da
bang dikim bang dikim
dengê min nare kesan
Kes min nabîne.
Heyf!...
Teniya Reş • Jîr Jan Amedî
"carekê kodik rijiyaye
ez çi bikim"
xwe davêjime bextê gund û bajaran
li etaran digerim
ka namûs bi çi tê firotan
patexwer bi kîjan kumê patekirî digerin
xîret û rûmet li poxanan bi çi biha ye
bi eniya me ve zeliqiye
me para xwe
ji teniya reş girtiye
Divê zarok di wextê xwe de bi kitêban re bibin heval!
Pirsên Axretê • Jîr Jan Amedî
Pirsî: Kewser çi ye?
Min got: Xwêdana mabeyna cotmemikan e ku ji kelekela evînê diherike
Got: Ez behsa bihiştê dikim
Min got: Dilê min li ser singa te heye
Ma Çiman Diçî • Kamîran Alî Bedîrxan | "Ji Ekrem Beg Re"
Dilketî me, dîl im ez, dotmîr û fermandarî tu!
Sal û hîv herdem tu î, hem rovejîn hem rohilat,
Dîl im ez, dîla welatî; ez jî qurbana te me,
Gewre ye hêvîn û jîn, lê gewretir al û welat!..
Hawar, hejmar 3, 15 Hezîran 1932
Di ayetên Qur'anê de mehbûbe rebbanî dibeje :"Em ji damara şah ji bêhtir nêzîktirî însanin" 50 /16 "Xwedê çi tiştê ku di nava we de hebe pêdizane" 3/154
Agirê Evînê • Kalê Qurdîsî
Tu xuncek ji gula bû
Vebû rojek bihar e
Ji kaniya dilan bû
Tasek av da min yarê
Mizgîn ew ket evînê
Em bi hevre bijîn jinê
Pehîz • Kamîran Alî Bedîrxan
Pehîz e dil pehîz e
Dinê tarî bi zîze
Pelên daran girîn in
Cendekên wan birîn in
Gul ne xwîne bi xwîn e
Wek birîna hevîn e
Pelên daran li deştê
Qey eskerên şiketê-î
Hawar, hejmar 13, 14 çileyê Berê 1932
Henek • Kamîran Alî Bedîrxan
Dilo rabe buhar e
Kesk û sor e bi dar e
Dinê germ e ne sar e
Dilo rabe buhar e
Mêrg û solîn zozan e
Êda keç û qîzan e
Havîn bavê xîzan e
Hawar, hejmar 14, 31 çileyê Berê 1932