"...Lev Qrettenin bədəni çilçırağa bağlanmış qısa kəndirdən asılmışdı. Onun ayaqları döşəmədən yarım metr yüksəklikdə, aşmış stulun üzərində sallanırdı. Deməli, buna görə meyitə yalnız milçəklər və bir də kəndirlə aşağı-yuxarı sıra ilə hərəkət edən sarı qarışqalar müdaxilə etmişdilər.
Döşəmə üzərində divanın yanında Beate cərəyana bağlanmış şarjla cib telefonunu tapdı və indi Levin son olaraq kiminlə danışdığını öyrənə bilərik- dedi. Harri mətbəxə keçdi və işığı yandırdı. Mətbəx stolunun üstündə olan A4 formatında kağız vərəqində o, mavi metal rəngində tarakan gördü. O, bığlarını ona tərəf tərpədib sürətlə qabın altına çəkildi. Harri əllə yazılmış vərəqi götürdü. O, ölümqabağı yazılmış belə yazıları çox oxumalı olmuşdu və onların az bir qismi ədəbi yaradıcılıq nümunəsi sayıla bilərdi..."