"Welleh, ez ê tevî cimaetê tivingê hildim û li pêşiya Roma virek şer bikim. Çawa bav û kalan gotiye, ga ser jê dikin çerm dimîne, mêr dimire nav dimîne. Xilas bû û çû."
"Geli birayan! Em Kurd, xeysetê qanûna Roma reş rind dizanin;
ew tim nan û xwe pêpes dikin, bi destekî nanê merivan dixwin, bi destê dinê kêrê di pişta merivan de radikin, yan jî nên didin ber te, lê di bin sifreyê de çalan dikolin ku, tu tekevêyê.
Aha ev yek ne ku xeysetê wan î teze ye, lê bav û kalên wan jî wisa bûne."