Dilovan
@1_Dilovan
mîrekê demê çile ye niha.
tu rê naçe ser riya hêviyê.
Dojeha bakur-Batman
57 okur puanı
Kasım 2022 tarihinde katıldı
Şu anda okuduğu kitap
Pirtûkeke mûkemmel bû. Bi gelek awayan dikare were nirxandin û Cemşîd Xan dikare wek gelek tiştên ku taybetiya Kurdan e were nirxandin û di serî de jî weke niştiman were nirxandin. Xwezî ev pirtûk weke fîlm bihata kêşandin an jî weke şano bihata lêystin.
Apê min Cemşîd Xan ku hertim bê ew li ber xwe dibirBextiyar Elî · Avesta Basın Yayın · 2012121 okunma
0-30p: Kontrollü okuyucu 📖
40-70p: Hafif bağımlı 👀
80p+: Geçmiş olsun, kitaplar seni ele geçirmiş 😅
Bi min hawara kurdî û kurdayetiyê ye! Ne ya Dîcleyê ye!Kurdî
Ji xwe hewce nake ez qala şêwe û şayesandina romanê, lehengan û rêkûpêkiya rêsîna bûyeran bikim. Çewtê lehengê me, Biroyê Dengbêj, her çi qas dixwest bibe hosteyê deng û gotinan lê jiyan rê neda vê daxwaz û xewnê, nivîskarê me yê gewre Dirêj ku bûye hosteyê nivîs û vegotinê di romanê de vê hostetiya xwe çi di hevokên xwe yên xurt lê sivik, bi zimanê xwe yê ku zimanê malê ye, baş dide der.
Mesele ne ev e ji xwe ev roman heke bi vê awayê hêsan were nirxandin, ev ê bibe heqeret bo keda wî. Ji xwe, çi di navê pirtûkê çi jî bi bûyera ku hibijartiye û çi jî bi zimanê ku nivîsandiye de jî diyar dibe ku mabesta pirtûkê ew e ku em bidin pey rastî û şaşiyên xwe û wan ji hev baş veqetînin û li ser wan bifikirin. Wek tecrûbeyên neteweyî werine nirxandin û ders ji wan werin wergirtin. Şerê mîr li gel Osmaniyan(Tirkan) û paşî şerê wî yê li dijî wan û şerên Yêzdînşêr li gel Osmaniyan û paşî li dijî wan. Dîroka ku di dawiya romanê de wek dîroka ku tim dubare dibe tê nirxandin, divê bibin aqil û ders, hiş û bîr ji bo me. Wek di romanê de jî Dirêj gelek caran bi dubareyan û bi israr dibêje û gazin jê dike ku em tu carî nafikirin û aqil nagirin ji vê dîroka ku dubare dibe, di dawiyê de Dirêj bêyî ku fikirandin û tecrûbe kirina bûyerê û ders wergirtina ji romanê ji me re bihêle (ez bawer im hingê Dirêj dizane ku em ê rast nenirxînin û keda wî dê berhewa biçe) ew bi xwe ders û aqilê ku divê em ji berhemê bigirin, kite bi kite ji me re vedibêje û tim dubare dike.
Niha yanî sal 2025 e. Kes û kesayetên ku em wan nas dikin wek pêşeng jî di nav de em wek civak jî heman in. Dirêj ku di dawiya romanê de me hildida li erdê dixe heke îro binivîsanda dê dîsa ve sosretiya me ya îro ku ne me dîroka xwe nas kiriye ne me dijminên xwe nas kiriye û ne jî di asta ku em bikaribin bibêji erê baş e, xwedî li
Heyfa Kurdî! û nirxandinek li ser nirxandinan!Wêjeya Kurdî
Cara yekem e ez ê nirxandinek binivîsim di vê sepamê de. Ya rast ez ê nirxandin jî nekim dibe ku paşî nirxandinek bikim lê niha dixwazim qala tiştekî din bikim. Wek serenav, min bi taybet "Heyfa Kurdî" hilbijart. Ji xwe ez ê li dora vê serenavê binivîsim. Dê kurt û Kurd be. Yanî hêviya min bi Kurt û Kurdek ve ye:)
Pirtûka li dora jiyana Mîr Celadet digere û bi piranî qala jiyana wî dike. Lê di binî de qala jiyana Kurdan, eşîrên Kurdan, Birokratên Kurdan û werhasil qala Kurdan dike. Naxwazim bikevim nirxandina pirtûkê lewma min got werhasil bila xwîner li qisûra min nerênin. Ez naxwazim nirxandin bikim niha.
Min pirtûkê berê xwendibû ji xwe û ev cara duyem e dixwînim. Ev xwendina duyem ji bo @KomaXwendinêYaBatmanê ye. Min nirxandina xwe nivîsand û amade me ji bo şêwra komê. Cara yekeme min xwest nirxandinên di vir de bixwînin û nêrînên kesên din jî bixwînim. Û min xwe li xwendina nirxandinên vê pirtûkê da di vê sepanê de. Nêzî heft nirxandinan min xwend û ez aciz bûm ji xwendinên wan û min tenê li nirxandinan nêrt ka bi kîjan zimanî ne.
Gelek kêm ji wan bi Kurdî ne. Hema hema tev bi tirkî ne:) hûn jî dikarin çavdêriyek bikin tev li cihê xwe ne ji xwe.
Yên ku min xwendin tev qala pîrozahiya keda Mehmet Uzun ku ji bo Kurdî daye û pîrozahiya têkoşîna Mîr Celadet ku ji bo Kurdî daye dikin. Tev jî bi xwendina vê pirtûkê pir kêfxweş in! Heta tev jî tepan li xwe dixin û dibêjin me çawa heta niha nexwendiye! Têr nake bi nasîna Mîr Celadet pir bextewar dibin û bi xebat û têkoşîna wî ya ji bo Kurdî pir serfiraz in û bi dereng nasîna Celadet jî pir xemgîn in!
Pesnê Hawar û Ronahiyê jî pir didin!
Têr nake ji wan be dê vê berhema bêpayan û bê mîsal û qerase bi hemû Kurdan bidine xwendin!
Xwendina vê behemê ji bo hişmendiya xwedî derketina li Kurdî û rewşenbîrên Kurdan pir girîng