Bəzən elə hallar olur ki, onların bir çoxu canlarından qopan parçaları orada unudaraq geriyə belə baxmadan çıxıb gedirlər.
Heç yaşanmamış xatirələr kimi sevdiklərini də sevmədikləri məzarlara dəyişərək tərk edirlər.
İçdən süzülən arzular gerçək idi, bulaşmazdı nə qorxuya, nə yalana. Bir gün vardığın yer kaş ki düşündüyün kimi ola. Səsləyə səni yenidən oraya doğru. Əllərindəki zəhmətinlə, gözlərindəki ümidinlə gələsən sən o yolu.
Mən sənin zehnindəki kəlmələrdən sadəcə biriyəm. Tək kəlmə ilə ifadə olunan canlı və ya hansısa bir kağızın üzərinə tökülən cansız mürəkkəbdən ibarətəm.