Aytac Aslanlı
@Aytajs_journal
Şu anda okuduğu kitap
Hadisələr 1918-ci ildə başlayan qrip pandemiyası zamanı Pia və ailəsinin başına gələnlərdən bəhs edir. Oxuduqca sanki 2020-ci il Covid 19 zamanı yaşadığımız qorxular, evlərə qapanmağımız yadıma düşürdü.
Pia atası müharibəyə gedəndən sonra, anası və əkiz qardaşlarıyla qalır. Pandemiya başlayana qədər hər şey normal davam edir. Pandemiya başlayandan sonra anasını itirir, 4 aylıq qardaşlarına baxmalı olur. Yemək tapmaq üçün evdən çıxarkən onları 1-2 saatlıq evdə tək qoyur amma yolda qripə yoluxur və 1 həftə kilsədə müalicə olunur. Sağalıb evə qayıdanda qardaşlarını tapmır.
Hadisələr Pianın başına gələnlərlə və qardaşlarını axtarma cəhdləriylə davam edir. Görək Pia qardaşlarını tapa biləcəkmi?
Namık Kemal- İntibah.
Türk klassiklərini çox sevirəm. Bu kitab da sevdiklərim sırasına daxil oldu.
Romanı oxuduqca Mehpeykeri öldürmək, Alini şillələyib özünə gətirmək, Dilrubanı da ortamdan uzaqlaşdırıb qorumaq istəyirdim.
Deməli mövzu nədi deyim.
Ali bəyimiz oxumuş, savadlı, işində-gücündə gəncdi. Bu yaşına qədər əli qadın əlinə dəyməmiş, abırlı biridi. Bir gün dostlarından biri deyir ki, gəl gedək gəzinti yerinə. Orda da yüngül təbiətli, əxlaqsız qadınlar axşamlar gəzintiyə çıxıb özlərinə yar tapırlar.
Ali də Mehpeykəri görür. Mehpeykər Alini görən kimi onu bəyənir və özünü namuslu qadın kimi göstərərək Alini özünə aşiq edir.
Alinin dostu və dostunun əmisi bir neçə gün sonra bu vəziyyəti biləndə Aliyə Mehpeykərin heç də namuslu biri olmadığını başa salırlar. Ali başa düşmək istəmir. Axırda gedir qadının toruna düşür. Gəl zaman, get zaman bir gün Mehpeykərin evinə xəbərsiz gedib görür ki, Mehpeyker evdə yoxdu səhərə qədər də qayıtmır. Bu zaman onun əxlaqsız biri olduğuna inanır və ordan çıxıb gedir. Bir daha da qayıtmır.
Dilruba kimdi? Bu yazıq qız Alinin anasının Ali üçün evləndirmək məqsədli pulla satın aldığı cariyədi. Gözəlliyi dillərə dastan bir qızdı. Mehpeykərlə olan zaman Alinin gözü Dilrubanı görmür belə. Amma Mehpeykərdən ayrıldıqdan sonra Dilrubaya aşiq olur.
Bəs sonra bu əxlaqsız Mehpeykər nə edir? Alidən intiqam almaq üçün necə alçaqlıqlara baş vurur və sonu necə olur?
Onu artıq oxuyun özünüz görün.
Puan vermedi·646 syf.··
Beğendi
·2026 16. kitabı
·6 günde okudu
·Okunma: 25 Şubat 2026 20:35
STEİG LARSSON- EJDERHA DÖVMELI KIZ.
Hadisələr nüfuzlu "Millennium" jurnalının araşdırmaçı jurnalisti Mikael Blomkvistin bir məhkəmə işində uduzub nüfuzunu itirməsi ilə başlayır.
Eyni vaxtda zəngin Vanger klanının başçısı Henrik Vanger, Blomkvistə qeyri-adi və sirli bir iş təklif edir.
Henrik ondan 40 il əvvəl ailə yığıncağı zamanı yoxa çıxan sevimli qardaşı qızı Harriyet Vangerin taleyini araşdırmağı xahiş edir.
Hadisənin baş verdiyi ada o vaxt tamamilə təcrid olunmuşdu, deməli, qatil ailə üzvlərindən biridir.
Blomkvist bu qaranlıq ailə tarixçəsini araşdırarkən yolu gənc və qəribə görünüşlü Lisbet Salander ilə kəsişir.
Lisbet Salander sosial adaptasiya problemi olan, lakin qeyri-adi intellektə sahib dahi bir hakerdir.
O, keçmişində yaşadığı travmalar səbəbindən insanlara inanmır və öz ədalətini özü bərpa edir.
Bu iki fərqli xarakter Harriyetin itkin düşməsi ilə bağlı köhnə fotoşəkilləri və qeydləri təhlil etmək üçün güclərini birləşdirirlər.
Araşdırma dərinləşdikcə, Vanger ailəsinin görünən nəzakətli maskasının altında qorxulu sirlər üzə çıxır.
Onlar sadə bir itkin düşmə hadisəsinin arxasında onilliklər boyu gizli qalan silsilə cinayətlərin olduğunu fərq edirlər.
Lisbetin rəqəmsal dünyadakı bacarığı və Mikaelin inadkar jurnalist fəhmi tapmacanın hissələrini bir araya gətirir.
Paralel olaraq, Lisbetin öz həyatındakı qəddar qəyyumu Nils Byurman ilə olan mübarizəsi də hekayəyə gərginlik qatır.
Kitabda həmçinin Mikaelin həmkarı və yaxın dostu Erika Berger jurnalın xilası üçün mübarizə aparır.
Hər addımda təhlükə artır, çünki qatil hələ də sağdır və sirlərin açılmasını istəmir.
Sonda bu araşdırma həm ailənin qaranlıq keçmişini, həm də İsveç cəmiyyətindəki gizli çürüməni ifşa edən təhlükəli bir oyuna çevrilir.
XIII əsr- Tarixin ən qanlı əsrlərindən biri. Monqol hökmdarı Çingiz xanın növbəti qurbanlarından biri qarluq xalqları oldu.
Səmərqəndin yaxınlığında Satuk bəyin başçılığı altında özləri üçün firavan həyat sürən qarluq xalqı Monqol işğalından qurtara bilmədi.
Biz isə kitabda daha çox Satuk bəyin oğlu, gələcək varisi Çağrının həyat yolu, necə irfani yüksəliş yaşadığını, 21 yaşı olmağına baxmayaraq düşüncələrinin necə yetkinliyə doğru dəyişdiyini oxuyuruq.
Çağrı obaya gəlib mağarada məskunlaşan albinos şaman Ağcanı tapmaq üçün çayda az qala həyatından olarkən, Ağcanın onun həyatını xilas etməsindən sonra keçən qısa müddət ərzində obada çaxnaşmalar başlayır. Çağrının tale yolu bu andan etibarən cızılır.
Sevgilisi Aydilgəni əsirlikdən xilas etməkdən tutmuş Xarəzmşah Cəlaləddinin ən yaxın, güvəndiyi silahdaşı olmağına qədər və bundan sonrakı həyat yolunu oxuyuruq.
Ülviyyə Tahirin "127-ci qəbir" kitabı yazarın tarixi-psixoloji janrda yazdığı ilk detektiv romandır.
Yazarla ilk dəfə tanış olanlara bu kitabla başlamağı məsləhət görmürəm. İlk öncə "Aljir", "Şükriyyə taleyim" kitablarını oxumalarını məsləhət görürəm.
"127-ci qəbir" romanı tarixi keçidlərin çox olması səbəbiylə biraz qarışıq gələ bilər amma romanda 90-cı illərin vətən müharibəsi, müharibə iştirakçılarının iç dünyası çox gözəl təsvir olunub.
