Yazar:
Elçin Əzimli
Reklam
Yorumlar ve İncelemeler
Çağrı – Məncə, bu əsəri oxuyarkən hər kəs öz Çağrısını tapacaq.
Son bir ayda oxuyub bitirdiyim bu əsər Elçin Əzimlinin ikinci romanıdır və deyim ki, müasir Azərbaycan ədəbiyyatında bu qədər bədii dəyəri olan, eyni zamanda tarixi bir nəfəs kimi oxunan romanlara çox az rast gəlmişəm.
Əsər XIII əsrdə, Çingiz xanın yürüşləri zamanı baş verir. Hadisələr baş qəhrəman Çağrı bəyin gözü ilə təsvir olunur. Gənc, 18 yaşında bir insanın yaşadıqları, düşüncələri, çarəsizliyi, eyni zamanda içindəki təmizliyi əsərə çox xüsusi bir ruh qatır. O, sadəcə bir qəhrəman deyil – oxucu üçün də güzgüdür.
Ən çox nəyə vuruldum? Açıq deyim, bədii təsvirlərə. Bəzi cümlələr var idi ki, altından xətt çəkib dönüb bir də oxudum. Hadisələr, təbiət, hisslər o qədər gözəl və yumşaq dillə təsvir olunmuşdu ki, elə bil yazılanları oxumurdum, yaşayırdım. Çağrı ilə birgə səhralarda gəzdim, at çapdım, qorxdum, düşündüm...
Bu arada, kitabı yalnız "tarixi roman" kimi səciyyələndirmək istəmirəm. Əslində, bu janr sevənlər üçün mükəmməl seçim olsa da, dərin emosional xətti və bədii dili ilə çox fərqli oxuculara da xitab edə bilər.
Məncə, bu əsəri oxuyarkən hər kəs öz Çağrısını tapacaq. Kimimiz üçün bu, keçmişlə barışmaq olacaq, kimimiz üçün isə sadəcə keyfiyyətli Azərbaycan dilində yazılmış gözəl bir romanla tanışlıq.
Və sonda nəşr keyfiyyətindən danışmadan keçə bilmərəm. Kitabın üz qapağı, ümumilikdə dizaynı çox zövqlə hazırlanıb. Oxuduqca həm məzmunun, həm də fiziki toxunuşun həzzini aldım. @teaspress.az-a böyük təşəkkürlər!
Alın, aldırın. Mütləq oxuyun!
Düşüncə sehrbazımızın növbəti zərif romanı - 
Çağrı !
Elçin Əzimli
Tutunabilmək, səadəti bütün olaraq hissetdirən bir duyğudur.
Düşüncə düşünməkləmi dərindir, mütaliə ilə mi?
Fikrimcə, mütaliə daha çox düşünməyə vadar edir; altını çizdiyim tək bir sətir belə, bir mövzunu geniş bir şəkildə araşdırmaq üçün kifayət qədər ruhuma xitab edəbilir. Tək bir araşdırma milyonlarca düşüncəni məhkum edər zehnə. Və həmin düşüncələr, doğru istiqamət verər yaşam mübarizəmə.
Biraz mövzuya psixoloji baxımdan yanaşsaq, hər bir insan fərd olaraq dünyaya göz açsa da, zaman keçdikcə müxtəlif iradi, idrak prosesləri ilə şəxsiyyətə çevrilir. Bəli, bu olduqca, uzun, çətin və son nəfəsimizə qədər davam edəcək bir prosesdir.
Hər bir şəxsiyyət, temperamentindən asılı olaraq, müxtəlif düşüncə və emosionalara malik olur. Ki hər kəsin, eyni hadisələrə eyni reaksiya verməsi normal olmazdı elə deyilmi? Bəli, bu müxtəliflik daha çox düşüncə və hislərimizə yansıyır. Məhz ona görə də, heç kəs haqsız deyil əslində, çünki keçən dəfə söylədiyim kimi; hər kəs fərqli doğrularla nəfəs alır, yaşam mübarizəsində ‘silahı’ bambaşqa hisləridir.
Rastlaşdığımız və ya yaşadığımız bir an, ruhumuzu paramparça edəbiləcəyi kimi, bizi düşdüyümüz yerdən qaldıra, və yaşamaq üçün daha güclü ‘savaşcı’ edəbilər.
Önəmli olan, batindəki mənaya diqqət etməkdir. ‘Dan Ulduzu’muzda vurğulandığı kimi; batindəki məna əbədidir.
Tarix, unudulmazlıq, xoşbəxtlik, hüzün, sevgi, incəlik = Ç A Ğ R I •
Kitabda elə cümlələr var ki, bəzilərinin üzərinə günlərcə düşündüm. Romanın mövzusundan bəhs edib, həyəcanını qaçırmaq istəmirəm. Ona görə, istədim ki, biraz fərqli şərh olsun bu dəfə də. :)
Qeyd: Və 
Dan Ulduzu romanını da mütailə etməyinizi tövsiyə edirəm. Çünki inkişafdan əlavə, ruhumuzun ehtiyacıdır.
Ruhumuzun itirilmiş
Çağrı !
Elçin Əzimli
Tutunabilmək, səadəti bütün olaraq hissetdirən bir duyğudur.
Düşüncə düşünməkləmi dərindir, mütaliə ilə mi?
Fikrimcə, mütaliə daha çox düşünməyə vadar edir; altını çizdiyim tək bir sətir belə, bir mövzunu geniş bir şəkildə araşdırmaq üçün kifayət qədər ruhuma xitab edəbilir. Tək bir araşdırma milyonlarca düşüncəni məhkum edər zehnə. Və həmin düşüncələr, doğru istiqamət verər yaşam mübarizəmə.
Biraz mövzuya psixoloji baxımdan yanaşsaq, hər bir insan fərd olaraq dünyaya göz açsa da, zaman keçdikcə müxtəlif iradi, idrak prosesləri ilə şəxsiyyətə çevrilir. Bəli, bu olduqca, uzun, çətin və son nəfəsimizə qədər davam edəcək bir prosesdir.
Hər bir şəxsiyyət, temperamentindən asılı olaraq, müxtəlif düşüncə və emosionalara malik olur. Ki hər kəsin, eyni hadisələrə eyni reaksiya verməsi normal olmazdı elə deyilmi? Bəli, bu müxtəliflik daha çox düşüncə və hislərimizə yansıyır. Məhz ona görə də, heç kəs haqsız deyil əslində, çünki keçən dəfə söylədiyim kimi; hər kəs fərqli doğrularla nəfəs alır, yaşam mübarizəsində ‘silahı’ bambaşqa hisləridir.
Rastlaşdığımız və ya yaşadığımız bir an, ruhumuzu paramparça edəbiləcəyi kimi, bizi düşdüyümüz yerdən qaldıra, və yaşamaq üçün daha güclü ‘savaşcı’ edəbilər.
Önəmli olan, batindəki mənaya diqqət etməkdir. ‘Dan Ulduzu’muzda vurğulandığı kimi; batindəki məna əbədidir.
Tarix, unudulmazlıq, xoşbəxtlik, hüzün, sevgi, incəlik = Ç A Ğ R I •
Kitabda elə cümlələr var ki, bəzilərinin üzərinə günlərcə düşündüm. Romanın mövzusundan bəhs edib, həyəcanını qaçırmaq istəmirəm. Ona görə, istədim ki, biraz fərqli şərh olsun bu dəfə də. :)
Qeyd: Və Dan Ulduzu romanını da mütailə etməyinizi tövsiyə edirəm. Çünki inkişafdan əlavə, ruhumuzun ehtiyacıdır.
Ruhumuzun itirilmiş
Elçin Əzimli - Çağrı
Marafonun beşinci kitabı "Çağrı" romanı oldu. Kitab hələki marafon kitabları arasında ən axıcı kitab oldu mənimçün. Ümumilikdə isə son bir il ərzində ən çox qeydlər elədiyim kitab oldu. Marafon olmasaydı bəlkə də qiymətinə görə əlim gəlməzdı almağa (hal-hazırda işsiz olduğum üçün yoxsa kitaba verilən pula heyfim gəlmir). Roman elə bil qədim üslubda olan əfsanələr, nağıllar kimi axıcıdır. Qiymətləndirmə eləsəm 10/10. Yormamaq üçün bütün alıntıları paylaşmayacam.
Bu əsər üçün incələmə yazmaq istəyirdim, ancaq müxtəlif səbəblərdən dolayı ertələyirdim. Lakin necə deyərlər artıq vaxtdır.
Əsərin mövzusu məncə çox maraqlıdır. Birincisi ona görə ki, insanlar qarluqlar barədə eşitməyiblər, bilmirlər. İkincisi ona görə ki, bu xalq həqiqətən də, olub və yazıçı da, əsərdə müəyyən tarixi elementlərdən istifadə edib. Lakin əsərin quruluşu, əsərin yazılma üslubu çox qəribə idi. Mən açığı desəm, oxucu olaraq, bu üsluba uzaq biriyəm. Yəni sən Çağrının mağaraya baxışından danışıb sonra Çağrının adının mənasına necə keçə bilərsən axı? Romanda bir məntiqi ardıcıllıq olmalıdır. Hər şey çox qarışıq idi mənə görə.
Növbəti olaraq, bildirmək istəyirəm ki, bu əsər romandır yoxsa şəxsi inkişaf kitabı bəlli deyil. Yəni mən roman oxumaq istəsəm, qətiyyən bu kitabı seçib almaram. Lakin bir şəxsi inkişaf kitabı olaraq, almaq barədə düşünmək olar məncə.
Çağrı | Elçin ƏzimliEdebiyat
Mən hər bir kitabın, filmin, məqalənin, bilgi əldə edəcəyim istənilən mənbə ilə tanış olmağın bir zamanı olduğuna inanan biriyəm. İstər film olsun, istərsə də kitab, tam ehtiyacım olduğu anda qarşıma çıxar və həmən ankı ruh halıma uyğun ya mənə yol göstərər, ya da ki hər hansı mövzuda gözümü açar və həyatıma toxunuşu əvəzsiz olar, bununla da həyatımda unudulmaz xatirəyə çevrilər.
Eynilə Çağrı kimi. Əvvəla onu deyim ki, yazı çox sevən biri olaraq, hər dəfəsində çölləri, ağacları izləyərkən diqqət etdiyim detalları kitabda oxumaq xüsusi zövq verir.
Haqqında danışmağa isə o qədər söz var ki, insan bilmir hansından başlasın. Hüzuru tam anlamı ilə hiss etmək istədiyim bir zamanda hər bir sətirdə gözlərimi açan cümlələri oxumaq bir başqa dünyaya aparır insanı. Oxuduqca Çağrının yaşadığı həyatı onunla birlikdə sevinci-kədəri, ağrısı-acısı ilə birlikdə yaşayırsan. Vaxtsız itkilər Çağrını çox tez böyüdür, həyatında baş verən acı hadisələr, özünün dediyi kimi etdiyi səhvlərdən nəticə çıxarmaq onu daha da müdrikləşdirir. Uzun bir yola çıxır Çağrı, müşahidə edir gördüklərini, bu yolda özünə bələdçi seçdiyi insanlarla rastlaşır, ruhunu ibrətamiz söhbətlərlə yoğurur və ən sonda heç gözləmədiyi bir hədiyyə ilə mükafatlandırılır.
O qədər cümlənin altından xətt çəkmişəm ki, zaman-zaman açıb yenidən vərəqləyəcəm və hər dəfəsində də o cümlələrin mənə yol göstərəcəyinə inanıram.
Elçin Əzimlinin "Çağrı" tarixi və fəlsəfi romanını oxuyub bitirdim.
Əsəri çox bəyəndim.
Yazıçı, biznes kouç və təlimçi Elçin Əzimli müsbət düşüncənin gücünə inanır və deyir ki, xoşbəxtlik xoş düşüncələrlə başlayır. Əsərində də başdan sona qədər həyatın bumeranq olmasından, etdiyin yaxşılığın dönüb -dolaşıb illah səni tapmasından, möcüzələrə və yaxşı düşüncələrə köklənib yaxşı şeylərin olacağına inamdan danışır yazar.
Dilindən, dinindən və irqindən asılı olmayaraq qurulan əbədi və qırılmaz dostluq mənə görə əsərin əsas mövzusudur.
XIII əsr... Tarixin qaranlıq çağlarından biri.. Çingiz xanın növbəti hədəfi qarluq elləri... Monqol istilası nəticəsində yurd-yuvasından didərgin düşən gənc qarluq bəyi Çağrının keşməkeşli həyatı, Xarəzmşah Cəlaləddinin döyüşləri və tarixi faktlarla yanaşı Ağ şaman və onun qardaşlarının taleyi, Fəridəddin Əttarın ibrətamiz söhbətləri və Çağrının gələcək nəsillərə məktubu...
Düzdür, roman tarixi və fəlsəfidir. Lakin əsərdə təsvir olunan tarixə emosiya və duyğu qatılıb, sevgi ilə yoğrulub, dostluq və vəfa ilə bəzənib.
Romanda qanlı müharibələr təsvir olunsa da çox müsbət mesajlar ötürülür. Ağca Şamanla Çağrının dostluğundan bütün insanlar ibrət götürməli, hekayələrdən nəticə çıxartmalıdır.
Həyat ,bumeranqdır dostlar..Həyatınıza işıq saçın və o işığı ətrafınıza yayın. Günəş olun, işıq olun.Yaxşılıq edin.İnanın etdikləriniz sizə qayıdacaq.Əlbət, bir gün…
Xoş mütaliələr, kitabla qalın
Axsaq dərvişin insanlığa xitabı və ya “Çağrı” romanı haqqında
Ədəbi cəhətdən xüsusi mütaliə lətafətinə malik, oxuduqca səhifələri bir-birinə calanan, amma bir o qədər də bitməsini istəməyəcəyiniz bir əsərdən bəhs etmək istəyirəm. Bu əsər daha öncə “Dan ulduzu” kitabı ilə tanınan yazar Elçin Əzimlinin “Çağrı” romanıdır. Bu romanın misra aralarında vətənin dəyəri, sevgi, şövq, güc hərisliyi, qadın qüvvəti (bəli, zəifliyi deyil, qüvvəti), analıq duyğusu, atalıq məsuliyyəti, vərasət, tarixi gerçəklər, savaşın vəhşəti, həqiqi nəciblik, həsrət, ayrılıq, vəhdət, səfər, bağışlanma kimi bir-birindən güclü motivlərin işlənməsinə şahid olacaq, mənim kimi siz də əsəri mütaliə edib bitirdikdən sonra bir müddət boşluğa düşəcək, əsərin sehrindən qopmaq istəməyəcəksiniz. Bu əsərdə tarix, mənəviyyat, fəlsəfə, ədəbiyyat, irfani biliklər vəhdət təşkil edir. Bədii dili əvəzolunmaz təsvirlər, məcazlar, bənzətmələrlə zəngin olan “Çağrı” əsərini oxumağı həm tarixi, həm ədəbiyyatı sevənlərə tövsiyə edirik. İndi isə keçək əsərin süjet xəttinin təhlilinə. Diləyənlər əsəri oxuduqdan sonra təhlilə nəzər yetirə bilərlər.
XIII əsr, Mavəraünnəhr, Zərəfşan çayı sahilləri, torpaq yuvalarından başını çıxarıb yazın gəlişini qarşılayan “kelegü”lər – sünbülqıranların insan qorxusu, qədim türkün Torpaq Ana ilə bağı ilə başlayan Elçin Əzimlinin “Çağrı” tarixi romanı Çingiz xanın dünyanı lərzəyə gətirdiyi bir dövrdən bəhs edir. Amma bu əsərin baş qəhrəmanı nə Çingiz xan, nə monqol ordusu, nə də başqa biridir. Əsər Mavəraünnəhr ərazisində qarluq obasının təsviri, qarluqların Zərəfşan sahilindəki məskəni – Qayalıqda baş verən proseslərin alovlanması, qarluq hakimləri – Laçınoğullarının ailə məzarlığının yerləşdiyi Laçın qayasındakı mağaraya yad adamın, fiziki cəhətdən qarluqlara, hətta onların heç bir zaman görmədiyi görünüşə malik olan başdan ayağa – kirpiyindən əbasına
Heç Çingiz xanı hər hansısa əsərdə kənar obraz kimi düşünmüşdünüz? Ya qədim türk tayfası olan Qarluq xaqanının oğlunun hekayəsinin Çingizin qəddarlığının siması ola biləcəyini təsəvvür edərdiniz? İnsan taleləri müharibələrin əsl üzüdür.
Qarluq elinin varisi, xaqan Satuk bəyin oğlu Çağrının özündən çıxıb özünə yol aldığı, dəliqanlı gəncdən kamil mənə çatdığı bir yolu izləyirik.
Mən daim qədim mifalogiyalarını sevən bir oxucu kimi türk xalqlarının mifalogiyalarını oxumaq çox maraqlı və həyəcanverici idi.
Tarixi motivlər əsasında yazılmış roman müharibənin başqa üzünü göstərməklə yanaşı, bir şəxsin öz daxili səyahətini, onun keçdiyi yolları, şəxsiyyətin formalaşma mərhələlərini özündə çox gözəl məharətlə ehtiva edir.
Kitabı normal sürətimdən daha yavaş oxudum. Başda düşünürdüm ki, bu təsvirlərin çoxluğundan, ya da tarixi əsər olmasından qaynaqlanır. Bitirdikdə mənə aydın oldu ki, bunun əsas səbəbi müəllifin əsərdə bəhs etdiyi özfərqindəlik mövzusunun son 2ildə məninmaraqlandırmasıdır. Bəlkə də beynim hər cümləni daha dərindən analiz edir, araşdırır və öz fikirlərimlə qarşılaşdırırdı.
Mən daim düşünürəm ki, dəyişmək, inkişaf etmək istəyənə daim işarələr, “müəllimlər/mentorlar” tapılır. Odur ki, Çağrı daim ona dəstək olacaq, düz yolu göstərəcək insanları tapır, işarələri oxuyur və ona lazım olan nəticəni çıxarır.
Spoiler vermədən Çağrının adının onun hekayəsinə böyük təsiri olduğunu da qeyd etmək istəyirəm.
Romanda yuxuların da təsirindən danışılır. Roman bir-birindən gözəl hekyələr, rəvayətlər və misallardan yoğrulub. Müəllif özünü hekayə danışmaq bacarığını romana çox məharətlə köçürüb.
Mənim üçün xüsusi mənası olan Simurq quşu da personajlardan biridir.
Müəllifə uğurlar arzulayıram!
"Çağrı" - Elçin ƏzimliHayata Dair
Yazıçının oxuduğum 2-ci kitabı idi. Bu kitabda da həyati mətləblərə toxunulur, və bu həyatda düzgün yaşamağın yolları insana aşılanır. Əsərin qəhrəmanı Çağrı çox çətinliklərlə üz-üzə qalır, çox sınaqlardan keçir və ən sonda özünə - ruhuna gedən yola qovuşur. Əslində insan da çətinliklər gördükcə püxtələşir, daha dözümlü, möhkəm iradəli birinə çevrilir bu həyatda. Çünki sonda varacağı yer özü olur, və bu inkişaf yolunda daim özünü təkmilləşdirən, öz ruhunun ehtiyaclarını bilən insan ən xoşbəxt varlığa çevrilir. Həm tarixi, həm də həyati hadisələrin cərəyan olunduğu möhtəşəm bir əsər idi, deyərdim və inanıram ki, belə əsərlərin sayı çox olacaq. Çağrı
Çağrı
XIII əsr- Tarixin ən qanlı əsrlərindən biri. Monqol hökmdarı Çingiz xanın növbəti qurbanlarından biri qarluq xalqları oldu.
Səmərqəndin yaxınlığında Satuk bəyin başçılığı altında özləri üçün firavan həyat sürən qarluq xalqı Monqol işğalından qurtara bilmədi.
Biz isə kitabda daha çox Satuk bəyin oğlu, gələcək varisi Çağrının həyat yolu, necə irfani yüksəliş yaşadığını, 21 yaşı olmağına baxmayaraq düşüncələrinin necə yetkinliyə doğru dəyişdiyini oxuyuruq.
Çağrı obaya gəlib mağarada məskunlaşan albinos şaman Ağcanı tapmaq üçün çayda az qala həyatından olarkən, Ağcanın onun həyatını xilas etməsindən sonra keçən qısa müddət ərzində obada çaxnaşmalar başlayır. Çağrının tale yolu bu andan etibarən cızılır.
Sevgilisi Aydilgəni əsirlikdən xilas etməkdən tutmuş Xarəzmşah Cəlaləddinin ən yaxın, güvəndiyi silahdaşı olmağına qədər və bundan sonrakı həyat yolunu oxuyuruq.
