aziza.ja
@Azizaja
4 okur puanı
Ocak 2021 tarihinde katıldı
XX əsr bütün dünya ölkələri kimi Fransaya da müharibələrin neqativ təsir etdiyi aydın şəkildə görülməkdə idi. Müharibə toplumu sadəcə iqtisadi və siyasi cəhətdən deyil, ədəbi və siyasi baxımdan da zədələmiş və fərdlərin üzərində psixoloji təsirlərə səbəb olmuşdur. Bu anda isə existensial fəlsəfə, fərdlərin özlərini təhdid altında və anlamsız varlıq kimi hiss etdiyi, cəmiyyətə uyğunlaşa bilməməsi nəticəsində yadlaşdığı və bundan çıxış yolu axtardığı dövrdə meydana çıxmışdır. Albert Camus da bu baxışdan yola çıxaraq qələmə aldığı kitabında Mersault qəhrəmanı ilə fikirlərini sərgiləyir. Baş qəhrəmanın anasının ölümü qarşısında heç bir reaksiya verməsi həm oxuyucunu həm də, kitabdakı digər obrazların da təəccübünə səbəb olmuşdur. Qəhrəman üçün ölüm normaldır və həyatın bir parçasıdır. Mersault obrazı ilə Camus dünyanın yaşanmaz bir yer olduğu və həyatın bu şəkildə davam etməsi fərdin ölümü belə soyuqqanlı şəkildə qəbul etməyə vadar etdiyini bildirir.
Kitabda hansısa konkret final yoxdur və hadisələr bu xətt üzərindən davam edərək Mersaul ilə əslində yadlaşma duyğusunu yaşamış oluruq.
Rasim Özdenören – Gül yetişdiren adam
70ci illərdə Türk ədəbiyyatında “ Yedi Güzel Adam “ adam kimi tanınan şairlərdən və ədəbiyyatçılardan biri olan Rasim Özdenörenin sevilən kitabıdır. Yazarın poeziya dili isə ilk nəzərə çarpan məqamlardan biridir, geniş təsvirlərə rast gəlməyinizə baxmayaraq bu sıxıcı təsir bağışlamır. Müəyyən yerlərdə yazarın təsvirində müəyyən zəifliklər olmasına baxmayaraq uğurlu bir kitab hesab etmək olar.İki baş qəhrəmanın həyat hekayəsi paralel şəkildə işlənib. Qurtuluş müharibəsində iştirak edərək bütün dostlarını müharibədə itirən 80 yaşlı bir kişinin 50 ildir evindən çıxmayaraq gül yetişdirməsi və qərb mədəniyyətinin təsiri altında qalaraq öz milli dəyərlərini itirən bir qrup gəncdən bəhs edilir. Dindar bir şəxs kimi tanınan Rasim Özdenören kitabın sonuna doğru hər iki məqamda neytral qalsa belə son səhifələrdə öz subyektiv yanaşmalarını göz önünə çəkir. Dəyişən həyatların, inkişaf edən şəhərlərin təsviri, səmimiyyətsiz insan münasibətləri, ucuzlaşan sevgi sözləri və bu dəyişikliyə 50 il sonra etiraz edən gül yetişdirən adam. Melanxolik bir ab-hava ilə doludur kitab. 136 səhifədən ibarətdir və zövq alaraq oxuna biləcək bir kitabdır.
