–Qoy rədd olub getsin! –bacısı çımxırdı.
–Yeganə çıxış yolu budur, ata. Sən sadəcə, bunun Qreqor olması fikrindən vaz keçməlisən, vəssalam. Elə bizim bədbəxtliyimiz də ondadır ki, buna çox inandıq. Onun harası Qreqordur axı? Əgər o, həqiqətən, Qreqor olsaydı, çoxdan qanardı ki, adamlar belə heyvanla birgə yaşaya bilməzlər.
Bayırda, pəncərənin arxasında hər tərəf işıqlanmağa başlayanda o, hələ sağ idi. Sonra isə özündən, öz iradəsindən asılı olmayaraq, başı tamamilə aşağı sallandı və o, son dəfə astadan köks ötürdü.