Erkan sht
@Demhat_ro
instagram.com/erkansht?igsh=N...
Parvekirinên we yan xeyalên we ne, yan jî rastiyên we ne ...!
Reklam
Guldexwînek digirî
Di kortika çavên te de
dibînim guldexwînek digirî.
Û pelkên gulșeniyên xewnên min
li Kurejaro
diweşin ji kederê...
Di xelaya evînan de
va ye heyv hat girtin dîsa
cîran hemî "bi heyvê ketin"
tenê ez mam li şaneşîna dilê te
ya ku heyvek çardeh şevî
lê raketiye..
Lahîta lêdikim
Li bayê payîzê
parzînî
û bihîst min
dengê te,
nalîna te ya bêrîkirine
tenêtiya te ya zîndanî...
tijî dengê te ye neha
qesra dilê min..
lê tu
mişextiyek bûyî
ji min,
rakirina tu sînora
nêzikî te nedikirim...
tu avan ne diherikandim
besta te..
awirên te li asoya min
baxê hesretê,
kevokên baskoyî,
bajarên min ên kederê ne
di hemî zemanan de...
çi bikim,
cudabûn veniştiye
mîna kundekî kor
li çarenûsa me.
Dara xweziya
Hez dikim tiliyên min
li ser rûyê te bigerin
û şeraba dilxweşiyê vexwin em
ji çavên hev.
Bila çûkên berfê
deynin ser porê me
pirpirîk li me bihewin
em jî li armancên hev...