DERVİŞ ABDULLAH N...
@Dervisabdullah
* Gayrı mevsim hazan, duygu hüzün...
** Şimdilik sadece Divan Edebiyatı
Şu anda okuduğu kitap
RÜŞVET HIRSINA SEBEB HEDİYE ALMAKTIR
Ağlayan hasretle ‘uşşâka dil-ârâdır sebeb
Çeşm ü ebrûdur hırâm-ı kadd-i zîbâdır sebeb
Elverir biz kûşe-i ârâmı etdik cângâh
‘Âlemi derk etmeye seyr ü temâşâdır sebeb
Münkir-i ba‘sin inanma rahmına insâfına
Şefkat ü insâfa çünkü havf-i Mevlâ’dır sebeb
Bir hediyye verse alma yâr-ı sâdık olmayan
Çünkü hırs-ı rüşvete ahz-i hedâyâdır sebeb
Yok mudur bir müncî çıksın eylesin dünyâya sulh
Halkın izmihlâline bu ceng ü gavgâdır sebeb
Böyle gavgâlar kitâb-ı hikmetin ahkâmına
Câhilânın verdiği ma‘kûs ma‘nâdır sebeb
Nâleme sordu sebeb cânân Emîrî söyledim
Nâzenînim sendeki ol hüsn-i yektâdır sebeb
Reklam
SEBEB , SEBEB........
İntizâm-ı kâ’inâta feyz-i Mevlâ'dır sebeb
Revnak-ı eşyâya te’sîr-i tecellâdır sebeb
‘Âlem-i hestîde böyle bir teselsüldür gider
Nakşibend-i sûret-i ebnâya âbâdır sebeb
Mest ü rüsvâ eyleyip şeydâ eden ‘âşıkını
Sunduġu cânānımın ‘işveyle sahbâdır sebeb
Münkatı‘dır va‘de-i şevk u muhabbetde hukûk
Yâri tedbîr etmeğe benden ahibbâdır sebeb
Bî-şu‘ûr-ı mâ-sivâdır hakkına kâni‘ değil
Râhat-i dünyâyı idlâle eşirrâdır sebeb
Sanma yokdur anlayan fikr-i sakîmü’l-meşrebi
Böyle hâmûş olmaġa derd-i müdârâdır sebeb
Nâle-i mazlûmu iskât-ı telakkī etmeğe
Ey Emîrî güft u gûy-ı hırs-ı dünyâdır sebeb
Âleme geldiği günden beri her şeyh ile şâb
Keyf-ile etmededirler nefes aldıkça şitâb
Halk-ı ser-geşteyi ğark-âb-ı fenâ etmek içün
Sanki her devre-i ‘asr olmadadır bir gird-âb
Hâl-i gerdişde bütün bay ü gedâ siyyândır
Böyle devr etmededir işte bu köhne dolâb
Etdiler geşt ederek ‘âlemi teşrîf-i bekâ
Hazret-i Ahmed muhtâr ile âl ü ashâb
Oldu bâzâr-ı cihân vâsıta-i dâd u sited
Sanma beyhûdedir ey dil bu iyâb ile zihâb
Hayf ol şahsa ola mürtekib-i şul-ı zemîm
Gıbṭa ol merde ola müktesib-i fi‘l-i sevâb
‘Akl ü tedbîr ile kâbil olamaz men‘-i kazâ
Has ü hâşâk ile sedd olmaz Emîrî seyl-âb
ALİ EMÎRÎ Emmi yalnız değilsin.
Ben o küstāhım yine firdevs ü dîdâr isterim
Etdiğim yüz bin günâha karşı etmem bir sevâb
Bir tecellîden alır yüz bin dil-i şûrîde feyz
Sad-hezârân zerreyi pür-nûr eder bir âfitâb
Reklam