DERVİŞ ABDULLAH N...
@Dervisabdullah
* Gayrı mevsim hazan, duygu hüzün...
** Şimdilik sadece Divan Edebiyatı
Şu anda okuduğu kitap
..... KİTÂB
Yâdigârıdır niçe ‘allâme-i dânişverin
Zîb-i dest-i hürmetim fahr-i güzînimdir kitâb
Dilber-i nev-hatta bakmam var iken hatt-ı sütûr
Dil-sitânım dilber-i feyz-âferînimdir kitâb
‘Âlemin her faslını siyyân eder eğlencesi
Hoş geçer ‘ömrüm benim huld-i berînimdir kitâb
Ne kudretdir ne heybetdir ne şân u a‘zamiyyetdir
Büyütdün ‘akl u san‘atle küçük insânı yâ Vehhâb
Bize ‘akl u hayât ihsân edip seyr etdiren sensin
Zemîn ü âsumânı encüm ü erkânı yâ Vehhâb
AŞKIN ATEŞİ DERİNİMİ YAKTI AMMÂ DUMANI KAYIP
Olur her bir nefes aldıkça ‘ömr-i mihribân gâ’ib
Tedârik eyle yol hâzırlıġı etme zamân gâ’ib
Nazar kıl kâ’inâta anla küntü kenzin esrârı n
Nümâyân bî-nihâyet gevher-i râhşende kân gâ’ib
İlâhî ben kime ‘arz eyleyem bu hâl-i dil-sûzı
Derûnum yakdı ‘aşkın âteşi ammâ duhân gâ’ib
Kemâl-i zâtının vasfında cümle ‘ârifân hayrân
Liyâkat bî-nişân kudret nihân tâb-ı beyân gâ’ib
Odur gencîne-i gaybü’l-ġuyûb-ı zâtın ihsânı
Onun-çün merkez-i tende olur rûh-ı revân gâ’ib
Senin emrinle oldu tumturâk-ı mâ-sivâ peydā
Senin nûrunla oldu ten ḥaremgâhında cân gâ’ib
Gönül bir ‘âlem-i esrâra vâsıl oldu ‘aşkınla
Olur çeşm-i zamîrinde nihân peydâ ‘ayân gâ’ib
Emîrî Kibriyâ-yı a‘zamın âsârıdır kevneyn
Menâzırdan olur mu hîç sun‘-ı Müste‘an gâ’ib
Umûrun sıdk ile Mevlâ’ya tefvîz et de sa‘y eyle
Harâb-âbâd-ı kasr-ı hâtırın ma‘mûr eder dünyâ