DERVİŞ ABDULLAH N...

KALMIŞDIR

1.Sipihrin lutfa dâ’ir sanma bir ahkâmı kalmışdır Hemân ehl-i dili bir kahr ile a’dâsı kalmışdır 2.İçenler âb-ı Hızrı mazhar olmuş feyz-i câvîde Fenâ bezminde hâlıkın rind-i zehr-âşâmı ḳalmışdır 3.Olanlar olmuş ârâmı sürenler sürmüş ahkâmın Sihpihrin ehl-i ṭab’a mihhnet u âlâmı kalmışdır 4.Yazılmış lafzla ma’nâsı ba’z-ı köhne takvîme Anınçün lütf u ihsânın felekde nâmı ḳalmışdır 5. O şûhun müstezâd u iltifātın görmedim ancak Gönül mecmu’asında kıt’a-yı düşnâmı kalmışdır 6 Feresrân-ı ma’ârrifle girüp idde-yi tanzîre Semend-i tab’ım almazken nicâm encâmı kalmışdır 7.Fatîn ‘arz eyle şi’rin Hazret-i müftî-yi zişâne Kemâl ashâbına zîrâ ânın ikrâmı kalmışdır

Reklam

DERVİŞ ABDULLAH N...

VARDIR

1. Eğer çi sûretâ demle üns ü ülfeti vardır Velîkin ol peri-zâdın begâyet vaḫşeti vardır 2.O şûh şîve-kârın gelmemişdir misli dünyâya Kemâl-i hüsnle ‘âlemde şân u şöhreti vardır 3.Efendi neş’e-yi bâdeyle virme ‘ömrini bâde Humârından geçilmez başḳa bir keyfiyeti vardır 4.Kesildi bir görüşde dildeki tâb u tüvânım hep Sinân-ı ġamze-yi yāre kimin hiç ṭāḳatı vardır 5.Felekde bir dahi o ḳadar eşi ol mehveşin zîrâ Gönül yapmalda hâtır almada mâhiyeti vardır 6.Sokulma koynuna ‘akreb gibi her gördüğün demde Gönül ṣabr eyle bir lâhza anın da ü vardır 7.O tıfl-ı şir-hâre bâde-hâr olmaz mı seyr eyle Şerâb ile leb-i meygûnınınl pek nisbeti vardır 8.Sa’îd nüktedâna peyrev olmaḳ ḫayli müşküldür Anın zîrâ (Fatîn’e) her cihetle sebkati vardır

DERVİŞ ABDULLAH N...

FATÎN ACCIK DELİDİR :)

1.Ol yosma kıyâfet ki güzeller güzelidir İşte ana mahbûb-ı zamâne dimelidir 2.Resm eylemiş üstâd-ı kader kıl kalem ile Rûyında nümâyân olan hayt-ı celîdir 3.Yolunda fedâ olsa ‘aceb mi dil-i ‘uşşâk Her bir nigeh-i gamzesi bir cân bedelidir 4.Bir kere ne var seyr-i çemen-zâre buyursun Çünki bu dahi ‘âşık-ı zârın emelidir 5. Giysüleri zincîr gibi boynuna takdı Uṣlanmadı bî-çâre (Fatîn) hayli delidir

Takip Önerileri

DERVİŞ ABDULLAH N...

BİLMEM NEDİR ?

1. Başdaki sevdâ kara sevdâ mıdır bilmem nedir Sevdiğim Mecnûn gibi Leylâ mıdır bilmem nedir 2.Leylî-yi zülf-i hevâsıyla deli dîvâneyim Gezdiğim yerler ‘aceb sahrâ mıdır bilmem nedir 3.Dünkü gün hayli kıyâmetler kopardı başıma Toğrısı ol serv-kadd tûbâ mıdır bilmem nedir 4 Şeyh Efendinin ‘asâ düşmez elinden toğrısı İhtiyârlıkdan mıdır ‘âmâ mıdır bilmem nedir 5. Bir ‘acâyîb şâ’ir-i hoş-gû zuhur itmiş yine Sözleri iksîr midir kimyâ mıdır bilmem nedir 6.Ba’z erbâb-ı sühan tanzîr itmiş nazmını Zevk içün ol zâtı istihzâ mıdır bilmem nedir 7.Ol kadar ser-mest-i câm-ı hayret oldum ki (Fatîn) Su gibi nûş itdiğim sahbâ mıdır bilmem nedir

DERVİŞ ABDULLAH N...

Sarsılır

1. ‘Aşkla bir âh itsem kûh u sahrâ sarsılur Kûh u sahrâ şöyle tursun çerh-i vâlâ sarsılur 2.Dün gice bir âh itdim ditredi arz u semâ Bak inanmazsan eğer Eflâk hâlâ sarsılur 3.Ol kıyâmet kâmetim reftâre gelse bağda Yâseminler ditreşür her serv-i bâlâ sarsılur 4.Nāz ile reftār itdikce o serv-i bāğ-ı nāz Gıbtasından cennetü’l-‘alâda tûbâ sarsılur 5. Cân u dilden ‘aşkla bir âh eylersem (Fatîn) Yalnız dünyâ değil firdevs-i ‘âlâ sarṣsılur