Gövdə ilə bağlı reaksiyalar xüsusilə dürüst olur, ona görə ki həyati orqanlarımızın çoxu orada yerləşir və limbik beynimiz gövdəmizi qorumaq üçün çox böyük qayğı göstərir.
Müşahidə bacarıqlarınızı mükəmməlləşdirməyə çalışın və əməklərinizin uğurlu və incə olduğu bir nöqtəyə çatacaqsınız. Bu, sadəcə, praktika və istək tələb edir, vəssəlam!
İnsanlar hər zaman bədən hərəkətləri ilə münasibət qurduqlarının fərqində olmurlar, buna görə də bədən dili şəxsi məqsədləri ifadə edən sözlü ifadədən daha həqiqətə uyğundur.
Volter deyirdi ki, "Ən yaxşı - yaxşının düşmənidir". Sadə göründüyü qədər çox mənalı cümlədir. Məsələn, uşaqlıqdan bizlərə ən yaxşı iş arzulayıblar. O gün olsun ən yaxşı, çoxlu pulu olan işdə işləyəsən tipli cümlələri çox eşitmişik. Amma heç kim bizdən soruşmayıb ki, sən nə istəyirsən, hansı sahəyə marağın var? Əvvəldən ən yaxşı ilə başlayan cümlələri beynimizə doldurublar. Bizim istək və ehtiyaclarımız onlara maraqlı olmayıb. Hər kəs öz xəyal dünyasında qurduğu həyatı bizlərə yaşatmaq istəyib. Məhz buna görə də böyüyüb, müəyyən yaşa çatanda sevdiyimiz işi tapa bilmirik. Ya da ki, uşaqlıqdan sevdiyimiz, marağımız olan sahədən məhrum edilmişik. Məhz buna görə də hal-hazırda, bir çox iş yerlərində hər kəs narazıdır. Çox adam istədiyi yerdə deyil. Ac qalmamaq, həyatı az da olsa yaşamaq üçün aylıq müəyyən bir maaşa razı olub, şükür bu gün də ac qalmadıq deyərək yaşayırıq. Fikrimcə, həyatı layiqincə yaşamaq bu deyil. Düşünürəm ki, Allah hər birimizə missiya verib. Əsas olan həmin missiyanı tapıb, ona görə çalışmaqdır. Düşünürəm ki, insan sevdiyi və aid olduğu yerdə olanda etməyə az, olmağa daha çox vaxt ayırır. Son günlər bu barədə çox fikirləşirəm. İtirdiyim özümü tapmağa çalışıram. Özümü sorğulayaraq, bir nəticə əldə etmək istəyirəm. Keçmişin boşluqlarını dolduraraq, indiki anımı layiqincə yaşayıb, gələcəyim üçün bir yol tutmaq istəyirəm.