“Beynimdəki melodiya” elə bir qızın hekayəsidir ki, danışa bilmir, amma deyə biləcəkləri çoxdur. Oxuyarkən anlayırsan ki, biz bəzən sağlam bədənlərlə çox şey edə bilərik, amma etmirik. O isə demək olar ki, heç nə edə bilmir, amma içində böyük bir dünya daşıyır və bu dünyanı tanımaq oxucuya çox şey öyrədir.
Kitab sadəcə əlillikdən və ya bir xəstəlikdən bəhs etmir, insanları necə etiketlədiyimizi, kimləri “normal”, kimləri “fərqli” hesab etdiyimizi üzümüzə çırpır. Melodinin səsi yoxdur, amma onun hekayəsi səssiz qalmır.