Əsər Rusiyada 1917-ci il inqilabı və vətəndaş müharibəsi dövründə baş verən hadisələr fonunda cərəyan edir və kitabın baş qəhrəmanı Yuri Jivaqonun həyat hekayəsindən bəhs edir.
Yuri Jivaqo həm həkim, həm də şairdir. O, siyasi və sosial problemlər arasında öz mənəvi və şəxsi azadlığını qorumağa çalışır. Əsərdə onun sevgisi, ailə bağları və Rusiyanın dəyişən ictimai-siyasi mənzərəsi təsvir olunur. Xüsusilə, onun Lara ilə yaşadığı sevgi hekayəsi əsərin əsas xəttini təşkil edir.
Roman insanın daxili dünyası, sevgi, azadlıq və inqilabın insan həyatına təsiri kimi dərin mövzuları əhatə edir və klassik dünya ədəbiyyatının şah əsərlərindən biri sayılır.
Özüm şəxsən klassik dünya ədəbiyyatı kitablarını çox sevən biriyəm və xüsusilə qeyd etməliyəm ki,bu kitabın xüsusi bir yazılış xətti var. Oxuduqca görürsən ki,sanki kitabın məzmunundakı hadisələrdə təbiət dilə gəlir,ətraf mühitdəki cansız əşyalar belə canlanır. Bu baxımdan kitabı oxuyarkən bir az əziyyət çəkə bilərsiniz