Fuad Ali
@FuadAli
49 okur puanı
Kasım 2020 tarihinde katıldı
Şu anda okuduğu kitaplar
Ya da həyatdan tamamilə əl çəkmək! Müti halda taleyə boyun əymək, onu necə varsa, eləcə, özü də həmişəlik qəbul etmək, özündə olan hər şeyi boğub məhv etmək: fəaliyyət göstərmək, yaşamaq, sevmək hüququndan əl çəkmək!..
0-30p: Kontrollü okuyucu 📖
40-70p: Hafif bağımlı 👀
80p+: Geçmiş olsun, kitaplar seni ele geçirmiş 😅
Ah, biz belə şeylərdə, lazım olarsa, əxlaqi hisslərimizi də boğarıq, azadlığımızı, rahatlığımızı, hətta lap vicdanımızı, hər şeyimizi hərrac bazarına apararıq. Əlvida, həyat! Təki bizim sevdiyimiz adamlar xoşbəxt olsun! Bu hələ harasıdır! Hələ bir öz xüsusi ehkamlarımızı da uydurub yaradarıq, yezuitlərdən öyrənərik, müvəqqəti olsa da, öz-özümüzə təskinlik verərik, öz-özümüzü inandırarıq ki, belə də lazımdır, doğrudan da, yaxşı məqsəd üçün lazımdır!
Bax, həmişə də Şiller təbiətli gözəl insanlar belə olur: lap son dəqiqəyə kimi pis bir şey olacağını nəzərə almırlar, yaxşılığa ümid bağlayırlar, işin aqibətini qabaqcadan hiss etsələr də – həqiqəti öz-özlərinə əvvəlcədən qəti surətdə söyləmirlər; elə bircə bu barədə düşünmək onların qəlbində nifrət doğurur; onların bəzədikləri adam özü şəxsən onlara kələk gəlməyincə onlar həqiqətdən əlli-ayaqlı qaçırlar.
Bir də ki, adamı tanımaq üçün ona tədriclə və ehtiyatla yanaşmaq lazımdır, belə olsa adam səhv eləməz, bir başqası haqqında qabaqcadan yanlış fikrə gəlməz; sonra bu yanlış fikri düzəltmək çox çətin olur.
Əgər mən səhv edirəmsə, əgər doğrudan da, ümumiyyətlə, bütün bəni-adəm, yəni insan övladı alçaq deyilsə, deməli, onda yerdə qalan hər şey mövhumatdır, yalnız qorxudur, heç bir hüdud-filan yoxdur və elə belə də olmalıdır!