Gülnara
@Gdilhun
101 okur puanı
Ekim 2023 tarihinde katıldı
Sabitlenmiş gönderi
...Anamın gedəcəyi son mənzili, soyuq məzarı anamdan tez görmək istəyirdim. Bu da qəbiristanlıq...doğmalarımın uyuduğu əbədi məkan, son yer. Hamıya qismət olacaq axirət dünyası.
Qəbir o qədər səliqəli qazılıb, hörülmüşdü ki, mən ilk dəfə ölümdən qorxmadığımı anladım. Öz- özümə təsəlli verdim. Belə qəbirdə yatmağa nə var ki..Bəlkə də ölüm insan həyatının ən uca zirvəsidir. Allaha qovuşmaq səadət deyilmi?!
15.01.2017 🥀
A.Hümmət
“Artıq dağlara heç vaxt qayıtmayacağam! Balıq olaraq qalım daha yaxşıdır! Balıq olaraq qalım daha yaxşıdır!
Balıq olaraq…”
Çantasıyla, dürbünüylə dost olan, dərdini onlara danışan, ağ gəmini gözləyən, Mümin babasının danışdığı əfsanələrlə yaşayan həyat dolu bir uşaq idi o. Yaşadığı hər şeyə baxmayaraq, qəlbi ümidlə dolu idi. Oxuduqca o qəlbi çox sevdim. Mən də onun kimi ağ gəmini gözlədim. Maral Anaya mən də inandım.
Ağ gəmi əsəri insanın saflığı, uşaqlıq dünyasının təmizliyi və böyüklərin qəddarlığı arasında olan ziddiyyəti çox təsirli şəkildə göstərir. Əsərin əsas mesajlarından biri budur ki, insan içindəki mərhəməti və vicdanı itirəndə ruhən məhv olur.
Əsərdə hər bir obrazın müəyyən bir mənası var. Balaca oğlanın bir adı yoxdur, çünki ata-anasından ayrılmış, tərk edilmiş, oxumaq üçün hər şeyi edən bütün uşaqları təmsil edir. Ya da, oxuyarkən nifrət etdiyimiz Orozqul öz millətinə üz çevirib başqa xalqın qulu olan bir obrazdır və heç vaxt uşağı olmayacaq. Yazar göstərir ki, bu cür kimliyini unudanların davamı olmayacaq bir gün bu sistem dağılacaq…
