Hümbət İsmayılov
@Humbett
Şair Hümbət İsmayılov : Yazılarımın SƏBƏBİ gördüyüm problemlər, MƏQSƏDİ isə onları bədii şəkildə təsvir edərək qabartmaq və çarəsində az da olsa rola sahib olmaqdır.
Şair
Bachelor, Master - Management (film production)
Gəncə
Gəncə, 19 Nisan
6 okur puanıAğustos 2021 tarihinde katıldı
Körpü (Şeir)Şeir
Yarım qoyub sözünü,
Gizlədərək üzünü,
Toplayasan özünü,
Atasan bu körpüdən.
Cəsarəti Allah verə...
Mat qalalar bu hünərə
Ruhu göyə, cismi yerə
Qatasan bu körpüdən.
Qaç, uzaqlaş ürəklərə.
Qoy damsın yaş ürəklərə.
Bəlkə o daş ürəklərə
Batasan bu körpüdən.
Dünya baxmır sağ-soluna,
Yeri yoxdu Haqq quluna
Ölüm ilə haqq yoluna,
Çatasan bu körpüdən...
- Hümbət İsmayılov
Her çiçeğin bir mevsimi, her kitabın bir zamanı vardır. Haziranın tadını yeni hikâyelerle çıkarın.
Kitabların müəllifi (Şeir)Şeir
Mən hər gün ayrı can təslim edirəm.
Canı məzarlara təhkim edirəm.
Özümü sizlərə təqdim edirəm :
Oxunmayan kitabların müəllifi.
Məndən gələn hər bir nişan, hər ayət
Heç bir qəlbə etməyibdir sirayət.
Fəryad edib boğularaq nəhayət,
Boşa gedən xitabların müəllifi.
Min bir həvəs min bir əziyyət ilə
Tanrı verən ilham - məziyyət ilə
Hər birində ümidli niyyət ilə
Dadılmayan qutabların müəllifi...
Çiynində çox günah, səhv olub gedir.
Sevinərdi bilsə əfv olub gedir.
Dözə-dözə batıb, məhv olub gedir
Nə dözümlər nə tabların müəllifi.
- Hümbət İsmayılov
Hümbət İsmayılov
, bir kitap okuduPuan vermedi·112 syf.·
197 günde okudu
·Okunma: 14 Mart 2022 18:47
·2022 1. kitabı
Tənhalara ithafŞeir
Səni tərk edib yar? Dayan düşünüm...
Dostların olub kar? Dayan düşünüm...
Bunun bir adı var, dayan, düşünüm...
Dayan bir! Yadıma düşdü, hə, tənha...
Bəs indi kim gedər? Ya da kim gələr?
Kim səni ağladar? Onu kim silər?
Səni tək qoyaraq gedən kimsələr,
Adını qoyarlar sənin də tənha
Oldumu ömründə xeyli puç zaman?
Dayanıb dedinmi? "Buyur, keç zaman!"
Tənha qalmayıbsan axı heç zaman,
Yalnızlıq yanında olur, nə tənha?!
Vaxt gəlir dözümün, taqətin bitir
O qədər çəkirsən həsrətin bitir.
Bir gün istifadə müddətin bitir,
Bax onda qalırsan təkcə və tənha.
- Hümbət İsmayılov
"Ölüm nəyin sonudur?"Şeir
Yaşamışıq, yaşadıqca bilmişik,
Bu dünyaya getmək üçün gəlmişik.
"Ölüm sondur" deyənləri görmüşük,
Mənsə deyim ölüm nəyin sonudur.
Dünya fərqli gəlir hər gələn kəsə,
Kimi ruha baxır, kimi nəfəsə.
Həyat nəfəs almaq və vermək isə
Nəfəs almaq və verməyin sonudur.
Mal-mülkünə tez aldanan adama,
Eşqi ilə alovnan adama,
Bu dünyanı hər şey sanan adama,
Ölüm elə o "hər şey" - in sonudur.
Az ilə doymayan çox gedə bilmir.
Sanma həyat onu öyrədə bilmir.
Kim ki istəyini ram edə bilmir,
Bilsin ölüm hər istəyin sonudur.
Qazanc sevincdirsə, itki gözdə nəm,
Yəni maddiyatı edibsən sənəm¹.
Tək gerçəyin dünyadırsa, üzgünəm,
Çünki ölüm o gerçəyin sonudur.
Düşünmək hünərdir və yasaq deyil.
Şüur doğru yoldur, bil nahaq deyil.
Gözün gördükləri təkcə haqq deyil
Ölüm gözlə görünməyin sonudur.