ş
Şeir
7 üyeTakip
Dodaqda təbəssüm görünər amma,
İçində çağlayan fəryad səsi var.
Heç kimə açmayan qaranlıq qalan,
Hərənin bir cürə hekayəsi var.
İlahi, mənə yox, mən istəmirəm,
İlahi, yazığın gəlsin bu qıza.
Elə eləmə ki,
Bu fələyin ümmanında,
Mən üzməyi bacarmıram.
Məni niyə əzirlər ki?
Mən əzməyi bacarmıram.
Dilim də yox tərif deyə,
Tərif yerdən göyə dəyə,
Sən ƏN... ƏNsən deyə-deyə,
Söz düzməyi bacarmıram.
Bu məmləkət dözümlüdür,
Çəkir zillət dözümlüdür,
Bəlkə, "millət dözümlüdür",
Mən dözməyi bacarmıram.
Üz tutmuram insanlara,
Üz tuturam ümmanlara,
Gəlin çıxaq meydanlara,
Tək gəzməyi bacarmıram.
Ramin Allahverdi
Niyə şagirdlərin duymurlar səni,
Gül kimi dərsində səs eləyirlər.
Mən sevən əllərə, mən sevən gözə,
Mən sevən ürəyə qəsd eləyirlər.
Ağzı yanmışların yoxdu xəbəri,
Mən sənin önündə lal dayanıram.
Dəftərə qırmızı düzəliş kimi,
Varaq yanağımda al dayanıram.
Adın tək dərsimi əzbərləyirəm,
Sevgi baxışına boyanmaq üçün.
Ömrümü, günümü qurban verərəm,
Şagird tək önündə dayanmaq üçün.
Vaxt axır... şagirdlər duymurlar səni,
Gör necə qıyırlar kövrək səsinə.
Hardan bilsinlər ki, həsrət qalmışam
Qırx beş dəqiqənin bir dəqiqəsinə.
Səhvdi misalları, məsələləri,
Dərdini artırıb yüz eləyərlər.
Ölürəm mən sənin “üç”ündən ötrü,
Verdiyin “beş”lərə naz eləyərlər.
Qəşəm Nəcəfzadə
Yorğunam mən...
Səndən də, özümdən də,
Gözündəki gözümdən də,
Susqunluğun səsindən də,
sözündən də,
Elə yorğunluğun özündən də
yorğunam mən.
Yorğunam mən...
Ta Adəmdən, Həvvadan,
Qəlbimi titrətməyən
Hər tələskən duadan,
Bir də şeytan aldadan,
o qırmızı almadan
yorğunam mən.
