Hüseyn Məmməd
@HuseynMammad
"Hal var sağalmaz xəstəlik
Ən sevdiyindir üstəlik."
Baku
13 okur puanı
Eylül 2023 tarihinde katıldı
Mən hansı ismini de, zikr edib huzur tapım
Ey minbir incisiylə nicat bəxş edən mövla?
Reklam
Məni bağışla, ey Öz'üm,
Hər üzümə gülənə səni yem etdiyimçün..
Yetimə gəl deyən çoxdu,
Getmə dedin, çörək vermək o yana
Adam heç əl uzadar
Başqa qəlbə qıyana?
Səni də qıracaqdır, bunun geci tezi var,
Gec'im fürsət tapmadı ki, oyana,
Bağışla, getdiyimçün...
Nə uzaq oldu ki, donma
Nə yaxın, yanma dedin
Mən amma bax neynədim?
Ən yaxını kor qoyub
Ən uzağı nur elədim yolumda..
Stokholm sindromu,
"Cəlladına aşiq" yazır qolumda...
Ən xoş halda dedilər ki,
Qal, Allah amanında sən..
Bağışla ki, yanan da sən, yaman da sən
Sonda mənə qalan da sən, Öz'üm...
Hər kəsdən əhv diləyib,
Hər kəsi vacib sayıb,
Hər alqışda, qarğışda
Səndən yan keçib sözüm...
Halal eylə, haqqını,
Bacarsan, bağışla...
Sirrimi necə büküb
Qoyum bağlı şüşəyə
Atım mavi sulara
Ki, yesin ala balıq?
Mən ha qaçım "öz"ümdən,
Bürünüb qaralara
ha gizlənim köşəyə
Görür o uca Xaliq!
Gözlərim günahıma şahidmi?
Şahid...
Bürünüb kipriklərə utancından
Baxışları qatil kimi..eşqim şəhidmi?
Şəhid...
Əllərim elə yanır o qədim atəş ilə
Bir oda toxunub ki, sellər daşqınlar gələ,
Yeddi dənizin suyu coşub daşa
Söndürmür.
Bu nifrinim, bu qəzəbim, bu kinim
Əcəb diri tutub məni, qara daşa
Döndərmir.
Sən, şeytanın şux gülüşü
Gözümə kül üfürüb
Dönə dönə yeyilən
Meyxoş yaşıl almasan,
Adamın canı çəkir...
YasinSurəsi/76⚘Alıntı
"Onların sözü səni qəmgin etməsin, çünki Biz onların qəlblərində gizlətdiklərini də, dilləriylə aşkar etdiklərini də bilirik."
Quran
Quran