Aytaj Goyushova
@Iaviniabooks
19 okur puanı
Ocak 2022 tarihinde katıldı
Şu anda okuduğu kitap
Herman Melvil- Mirzə Bartlbi
#yoldaşseriyası
___
Bu kiçikhəcmli kitabla tanışlığım sərgidə olmuşdu, ona qədər nə yazar, nə də kitab haqqında eşitməmişdim. Ona görə kitaba başlayarkən gözləntim yox idi. Amma kitabı bitirdiktən sonra Mirzə Bartlbi'nin hekayəsi məni xeyli düşünməyə vadar etdi.
Parlaq İmzaların kitab seçimləri yenə öz sözünü deyir
___
Bartlbi bir vəkilin ofisində sənədlərin üzünü köçürən mirzələrdən biridir. Lakin o digər mirzələrdən çox fərqlənir. Ona verilən tapşırıqlara "Yaxşı olardı ki, bu işi mən görməyim" cavabını verir. İlk vaxtlar onun bir çox işlərə "yox" deməsi, həm vəkili, həm də digər mirzələri çox təəccübləndirir. Hekayənin sonlarına doğru isə onun bu davranışının əsil səbəbini öyrənirik. O, bu davranışları ilə tək müdirinə yox, sistemə, pula, dəyişməyən düzənə dirəniş göstərir.
___
Bəs bizlər işdə, dərsdə, ailədə, şəxsi həyatımızda "yox" deməyi bacarırıq mı?
Həyatımız başqalarının istəklərini ön plana qoyacaq qədər uzundur mu?
Xeyr. Həyatımızın nə zaman, harada sonlanacağı məlum deyil. Ona görə də, lazımlı anlarda "yox" deyib, öz həyatımızı daha dolu-dolu yaşamağa çalışmalıyıq.
___
Azadlıq bütün istədiklərimizi edə bilməkdir mi, yoxsa istəmədiklərimizi etməmək mi?
#laviniabooks #books #bookstagram #20 #hermanmelville #mirzəbartlbi #2022 #yoldaşseriyası
Reklam
Meri Şelli- Frankenşteyn
___
Prometey alovu tanrılardan oğurlayıb insanlara gətirmiş, alovun dünyada nələrə səbəb olacağını isə təxmin etməmişdir. Bu əməlinə görə isə tanrılar tərəfindən cəzalandırılır.
•Bəs niyə Frankenşteyn və ya müasir Prometey?
Kitabı oxumamışdan əvvəl Frankenşteyn'in qorxulu bir canavar olduğunu düşünürdüm. Amma elə deyilmiş, Frankenşteyn hər zaman yeniliyə və öyrənməyə can atan elm insanıdır. Elə bu xarakteri onun üçün geri dönüşü olmayan bir hadisəyə səbəb olur.
Yaşamın sirlərini axtaran Frankenşteyn insan yaratmağa qərar verir. Məzarlıqdan topladığı parçaları öz otağında birləşdirməyə başlayır. İnsan ölçüsündən böyük yaratdığı bu məxluqun gözlərini açması ilə isə dəhşətə gəlir. Üzünə baxmağa belə tab gətirə bilmədiyi bu bədheybəti tərk edir.
___
İnsanların bir-birinə olan mülayim münasibətini, sevgisini görən bədheybət öz yaradıcısına nifrət etməyə başlayır. Onu sevmədiyi üçün, onu tərk etdiyi üçün, bu dünyada tək qalmağa məcbur etdiyi üçün. Bədheybətin nifrəti Frankenşteyn'in cəzasına çevrilir.
︎Kitab qədər diqqətimi və marağımı çəkən yazar Meri Şelli'nin həyatı oldu. Elə bu kitabı da 17-18 yaşlarında yazıb. O yaşda belə bir xəyalgücü, təsəvvür insanı heyrətləndirir. Düzdür, kitabda bəzi nöqsanlar var, amma bu elə də gözə batmır. Mary Shelley (2017) filmini izləməyinizi tövsiyə edirəm
• "İnsan övladı vəhşi heyvana xas məziyyətlər daşıyarkən ali sayılan hissləri ilə niyə qürrələnsin axı? Axı bu hisslər insanı daha da çarəsizləşdirir. İmpulslarımız ancaq aclıq, susuzluq və ehtirasla məhdudlaşsaydı, daha azad olardıq. Halbuki indi əsən hər küləkdən, fərqli bir söz, yaxud fərqli bir mənzərənin yaratdığı taassüratdan təsirlənir, özümüzü itiririk."
Sizcə də bu belədir mi?️
#laviniabooks #books
#bookstagram #frankenstein #maryshelley #19
Frankenstein ya da Modern PrometheusMary Shelley · Türkiye İş Bankası Kültür Yayınları · 202021,7bin okunma
Uraqan-Kəpənək
___
İlk öncə yazıçı Emin Abdullayev'ə imzalı kitabları üçün təşəkkür edirəm. Yaxşı ki, həm Emin bəylə, həm də kitabları ilə tanışma fürsətim oldu. Uğurlarının davamlı olmasını arzu edirəm
___
Uşaqlıqdan bəri ən sevdiyim canlılardan biri Kəpənəkdir. Rəngarəngliyi, zərifliyi ilə hər birimizi valeh edir. Jalə də kəpənəkləri çox sevir, bir kəpənəyinin olmasını arzu edirdi. Sevdiyi qadının bu arzusunu da yerinə gətirmək istəyən Emin, bir günlük də olsa, kəpənək olmağı xəyal edir. Bəs onun bu xəyalı reallaşarsa?
Emin kəpənək kimi Jalənin yanına gəlir. Kəpənəyin möhtəşəmliyinə heyran qalan Jalə, Eminin də kəpənəyi görməsi üçün stəkanın içində saxlamağa qərar verir. Amma Jalə bilmir ki, Eminin gəlməsi üçün kəpənəyin getməsi lazımdır...
___
Kitabı əlinizə aldığınız anda 30-40 dəqiqəlik nağıllar aləminə düşəcəksiniz. Eminin sevgisindən əminliyi, incə ruhluluğu, şeir/kitab sevgisi mənim belə ruhuma toxundusa, Jaləni təssəvvür edə bilmirəm. Kitabın içində şeirlər var idi ki, onları da çox uğurlu hesab edirəm. Sonluğu isə məni çox təəccübləndirdi.
___
Gənc yazarlarımızdan belə uğurlu kitabları görmək məni sevindirir. Öz ədəbiyyatımızın davam edə bilməsi üçün qələmi güclü yazarlarımıza ehtiyac var. Emin bəy də bu yolda əmin addımlarla ilərləyir, ümid edirəm növbəti kitablarından da belə ürəklə yaza biləcəm.
___
#laviniabooks #uraqanabdullayev #kəpənək #books #30 #butterfly
