Zira zəkalar üç cür olur: hər şeyi özü dərk edənlər; başqasının dərk etdiyini anlaya bilənlər və nəhayət, nə özləri dərk edənlər, nə də başqasının dərk etdiyini anlaya bilənlər. Birincisi - dahiyanə zəka, ikincisi- əhəmiyyətli zəka, üçüncüsü isə - yararsız zəkadır.
…çünki kimsə kömək edib qaldırar ümidi ilə yerə yıxılmaq lazım deyil. Hətta səni fəlakətdən qurtarsalar belə, bu sənin üçün təhlükəsiz olmaz, çünki bu səni alçaldar və asılı vəziyyətə salar.
Lakin bəzən görürük ki, eyni yolu seçən, məsələn, ehtiyatla hərəkət edən iki nəfərdən yalnız biri öz məqsədinə çatır, yaxud əksinə, ayrı-ayrı yollarla getsələr də, məsələn biri ehtiyatla, digəri səbirsizliklə hərəkət etsə də, buna rəğmən hər ikisi uğur qazanır. Bu ondan irəli gəlir ki, birinin davranışları zamanın şərtlərinə uyğun gəlir, o birinin davranışları isə - uyğun gəlmir. Müxtəlif cür hərəkət edən iki nəfərin hər ikisinin də eyni şəkildə uğur qazanmasının, eyni cür hərəkət edən iki nəfərdən isə yalnız birinin öz məqsədinə çatmasının səbəbi də elə budur.