- Möhkəm ol, Qaspar, zavallı oğlunun bu cür yaşamağındansa, ölməyi daha yaxşıdır. Bir göz qırpımında, əzab-əziyyətsiz öldü. Halbuki indiyədək bir saat belə xoşbəxt yaşamamışdı.
Dəhlizlərdəki lampalar söndürülmüş, ətrafa dərin bir səssizlik çökməyə başlamışdı. Səhər isə buralar yenidən adamlarla dolub-daşacaqdı: edama, şallaq cəzasına və ya qızdırılmış dəmirlə damğalanmağa məhkum ediləcək insanlara tamaşa etmək üçün axışıb gələnlərin əlindən tərpənməyə yer olmayacadı.