Və sonuncu xəbərdarlıq: özünüzdən yüksək mövqedə duranın sizdən asılılığının onu sizi sevməyə məcbur edəcəyi ağlınıza gəlməsin. Çox güman, sizdən qorxacaq. Lakin Makiavellinin dediyi kimi, sevgi doğurmaqdansa, qorxu doğurmaq daha yaxşıdır. Qorxunu idarə etmək olar, sevgini heç vaxt. Sevgi və dostluq kimi dəyişkən, həssas hisslərdən asılılıq sizi yalnız müdafiəsiz edir. Belə baxanda, başqaları sizinlə ünsiyyətdə olmağı sevdikləri üçün sizdən asılı olunca, qoy sizi itirə biləcəkləri qorxusu altında asılı olsunlar.