Həyatda ancaq özəlləşdirdiyin, yəni bir növ sahibləndiyin şeyləri yaxından tanıya bilirsən. İnsanlarınsa, nəyisə yaxından tanımaları, onu daha dərindən öyrənmələri üçün heç vaxt vaxtları olmur.
Balaca şahzadə: İlk dəfə ulduzlar haqqında düşünmək onlara sahib olmaq üçün kifayətdirmi?
Biznesmen: Əlbəttə ki. Əgər sən heç kimə məxsus olmayan bir brilyant tapırsansa, o zaman o sənin hesab olunur. Əgər sən heç kimə məxsus olmayan bir ada tapırsansa, o da sənindir. Əgər bir fikir ilk dəfə sənin ağlına gəlirsə, onda sən həmin fikrə görə patent alırsan və o fikir sənin olur. Odur ki, ulduzların sahibi də mənəm. Çünki məndən öncə heç kim onlara sahiblənmək fikrinə düşməyib.
Əgər mən bir generala qağayıya çevrilməyi əmr etsəm və general mənim əmrimə tabe olmayıb qağayıya çevrilməsə, bu, onun deyil, mənim günahımdır. Çünki mən ondan imkansız bir şey tələb edirəm.
Əgər bir insan milyonlarca ulduzun arasındakı yeganə bir planetdə rast gəlinə bilən bir çiçəyi sevirsə, birtək o ulduzları seyr etmək belə o insanın özünü xoşbəxt hesab etməsi üçün kifayətdir. Çünki o, ulduzlara baxan zaman öz-özünə "mənim çiçəyim oralarda bir yerdədir" deyəcək.