" İlk məhəbbətin, ilk görüşün çox qəribə anları olur! O anlaşılmaz hissləri keçirən hər həs ürəyindəkiləri dillə deməyi bacarmasa da, uzun vaxt unuda bilmir. O təmiz duyğular gəncliyin ən əziz xatirələri kimi qəlbin dərin və gizli guşələrində silinməz izlər buraxır. Bəzən o xatirələr əbədi bir sirr olaraq qalır və heç kimə də açılmadan insanla bərabər torpağa gedir...
İlk məhəbbət, ilk görüş! Həyatın, gəncliyin ən mənalı çağları da bundan sonra başlayır.
Kimin başına gəlibsə, yaxşı bilir.
İlk məhəbbətin iztirabları da ləzzətli olur.
Siz Adili qınamayın. "