Uzun zamandır hər qış gələndə oxumaq istədiyim, lakin hər dəfə hansısa səbəbdən təxirə saldığım kitabı nəhayət ki oxuya bildim və çox sevdim
Keçən qış kitab əsasında çəkilmiş olan və baş obrazını Jim Carrey'in canlandırdığı animasiyanı izləmiş və sevmişdim, kitabı oxuduqca animasiyadan səhnələr gözümə gəlirdi, demək olar ki eyni irəriləyir, çox cüzi fərqlər sezdim sadəcə. Hər ikisini də şiddətlə tövsiyə edirəm. Netflixdə olan yeni animasiyasını da izləməyi düşünürəm.
Charles Dickens'dən oxuduğum ilk kitab oldu və kitabın dili çox sevdim, mizahi və əyləncəli bir dili var idi, lakin uşaq kitabı olaraq keçsə də, bəzi səhnələrin və ümumiyyətlə kitabın verdiyi mesajların daha çox yetişkinlərə xitab edəcəyini düşünürəm. Ümumiyyətlə yeni il üzərindən yazılmış olsa da, yaxşılıq etməyin, insanlara sevgi və sayğı göstərməyin önəminə toxunan və insanın həyatda ikən etdiyi əməllərə görə üzləşə biləcəyi acı gerçəklikləri nəzərə çarpdıran bir əsər idi. Qısa olsa da, verdiyi mesajları anlamlı və gözəl idi.
