Kimsəsiz kimsə
@Qvazimodo
Ey xoş ol məst ki,bilməz qəmi-aləm nə imiş,
Nə çəkər aləm üçün qəm,nə bilər qəm nə imiş.
122 okur puanı
Haziran 2024 tarihinde katıldı
Reklam
Eşqin qapısın ardına baxdım ki,nə var imiş?
Ol pərdeyi zülfündə qaranlıq nə bahar imiş!
Mən nöqtə dəxi eşqimə qondurmaram heç qarə,
Ey dil,demə zülm eyləyən ol sevgili yar imiş.
Qan oldu sinəm,heyrətə gəldim özümü tapdım,
Qəlb qapısına kiprik oxu əslində açar imiş.
Bihudə ümid etmə dedi,yarə dedim olmaz,
Yardan mənə,məndən yara sözlər necə kar imiş.
Dərdin qəmimin məlhəmi,zülmün mənə yar həqqdir,
İzah edəməm mən bunu bilməm nə azar imiş...
Ey dil,nə zaman yar sənə həmdəm olacaqdır?
Nisgil ilə çeşmin nə qədər nəm olacaqdır?
Saçlar geyinib qarə libaslarla kəfənlər,
San səhneyi-sər şivəyi matəm olacaqdır.
Yarım daha qorxutmaya zülmət səni çünki,
Yanmış ürəyim dadə çatıb,şəm olacaqdır.
Aləm qara gözlərini görsə,təvaf eylər,
Mən xəstəhalın gözləri zəmzəm olacaqdır.
Əhli-şüəranın şeiri natamam oldu,
Gər bilməsələr eşqimizi kəm olacaqdır.
Zahidin bir barmağın kəssən,dönüb həqdən qaçar,
Gör bu gerçək aşiqi,sərpa soyarlar ağrımaz.
İmaməddin Nəsimi.
Dedim:eşqində əsirəm,könül istər səni canan,
Dedi:sevsən məni ömrün,olacaqdır qara hicran.
Dedim:ey gül ürəyimdə,açılırsan günü-gündən,
Dedi:çeşmindən axan qan,sənə müjdə! Gülü-xəndan.
Dedim:ahım göyə çıxmış,dönürəm məcnuna dəm-dəm,
Dedi-Leyli qəmi ifşa,eləməz saxlasa pünhan.
Dedim:eşqin mənə qismət eləməz vəslini yarım,
Dedi:səbr etməsən olmaz,məkanın cənnəti-rizvan.
Dedim:ulduz üzün ilə gözümün sayəsi şəmdir,
Dedi:var mən də gözəllik,ama aləm sənə heyran.
Dedim:o kiprikin üstə,ürəyim şamu-səhər qan,
Dedi:heç sevdiyinin yar,eləyər çeşmini giryan?
Dedim:etmiş həlak ey gül,məni qəmzən axı rəhm et!
Dedi:bülbüllərə xoşdur,eləsin hər zaman əfqan.
Dedim:aləmdə məsuddur,neçə aşiq ilə məşuq,
Dedi:dilşadlığı qismət,bizə etmir qoca dövran.
Dedim:ey sevgili dildar,sənə nisar ola canım!
Dedi:insandan olarmı,axı heç insana qurban!