• exulansis 〄 (@R__AoV) Kitap Yorumları ve İncelemeleri

İqtisadiyyat/maliyyə sahəsində və ümumiyyətlə pul barəsində qərarlar alarkən adətən məntiqlə hərəkət edildiyini və bu işlərin ağır hesab-kitab, qanun/qaydası olduğunu düşünənlər üçün yazar əslində bunun heç də belə olmadığını açıqlayır. Psixologiyamızın davranışlarımıza bu sahədə də təsirini qeyd edir. Ona görə də yazar bu cür işlərin zəka, təhsil ilə o qədər də əlaqəli olmadığını, əsasən bir neçə davranışa yiyələnib, onları tətbiq etməklə istənilənin əldə oluna biləcəyini deyir. Bu davranışları 19 ana başlıqda və hər başlıqda qısa, yaşanmış hekayələrlə çox sadə dildə çatdırır. 19-cu başlıqda ümumiləşdirmə edərək, əvvəl öyrəndiklərimizin qısaca təkrarına yer verib. Bonus hesab elədiyim 20-ci bölümdə öz pulunun psixologiyasından bəhs edir. Və sonda Amerikanın müasir istehlakçı psixologiyasının qısa tarixini analiz edir. (Bu hissəni çox oxuyucunun bəyənəcəyini düşünmürəm.) Keçsək kitabda irad tutacağım məqamlara, təkrarlara yer verilməsi ilk deyəcəyim olar. Eyni cümlələrin təkrarı və fərqli başlıqlarda olsa belə, məğzin eyni yerə gəldiyi məqamlar da var idi. Daha sonra yazıların ehtiyac görmədiyim halda çox uzanması, açıqlama verilməsi də daxildir. Nəticədə aralarında bildiyimiz, amma təkrarən öyrənməkdə fayda olan məlumatlar ilə birgə yeni öyrənəcəyimiz biliklərlə qarışmış bir kitab.

Paranın PsikolojisiMorgan Housel · Scala Yayıncılık · 20211,382 okunma

Reklam

• exulansis 〄

@R__AoV·

25 Temmuz 2022 13:22

192 syf.

3/10 puan verdi

Kitabı bir cümlə ilə ifadə etsək, ikili əlaqələr arasındakı "dikili" vəziyyətlərdən bəhs edir. Bu ikili əlaqələrə təkcə sevgi-məhəbbət baxımından iki əks cinsin nümayəndələri yox, iş yoldaşları, dost-tanışlar və s. da aiddir. Haluk TATARın

Zafer Sızlanarak Kazanılmaz kitabını bir neçə il əvvəl oxuyub bəyənmişdim, ancaq təəssüf ki, bu kitabı yaxşı təəssürat oyatmadı. Bəlkə də hər şeyin zamanı var və bu kitab artıq mənə xitab etmir, bildiklərimi və hətta adını çəkdiyim ilk kitabındakı mövzulardan sadəcə biri üzərinə (daha dərinləməsinə olduğu iddia edilir) yazılmışdır deyə bilərəm. Yenicə yetkinlik yaşına çatmışlar üçün daha çox şey ifadə edə bilər. Sonda fikrimi belə ifadə edim, əgər ilk kitabını oxumusunuzsa, buna ehtiyac olmayacaq deyə düşünürəm.

Dikili İlişkilerHaluk Tatar · İnkılap Kitabevi · 20201,282 okunma

• exulansis 〄

@R__AoV·

07 Nisan 2022 22:56

184 syf.

4/10 puan verdi

Populyar bir kitab daha yanıltdı məni

Düzünü desəm gözləntim çox deyildi. Çünki aşağı-yuxarı ədəbiyyatdan möhtəşəm bir nəticə nadirən çıxır. İçərisində olanların çoxu lazımlı deyil kimi gəldi və lazımlı hissələri də düşünmürəm ki, dünyagörüşü olan şəxs ordan öyrənsin. Əvvəldən bildiyi (uşaqlarla bağlı) qayda/hərəkətlər vardır hər halda.Və məncə boşuna şişirdilmiş bir kitabdır

Şeker PortakalıJosé Mauro de Vasconcelos · Can Yayınları · 2022230,6bin okunma

Okur Takip Önerileri

Tümünü Gör

• exulansis 〄

@R__AoV·

24 Mart 2022 18:46

63 syf.

Puan vermedi

Tənbəllik Hakkı

Kitabın adı insanı cəlb edir. Xüsusən də kitabın bəzi yerlərində qeyd olunan fikirləri oxumazdan əvvəl özü həmin qənaətə gələn mənim kimi oxucuları. Kitab çox qısadır, ancaq ələ aldığı məsələ böyükdür. Təbii haldır ki, yazar yaşadığı dövrə (1842-1911) aid problemlərdən bəhs edir və bəzən isə daha da dərinləşir. Bu hissələri oxuyarkən sırf o dövr problemi olduğu üçün bəzən sıxır oxucunu. Ancaq nəzərə alsaq ki, əsər bu günümüzə belə xitab edir, yazarın kəskin şəkildə tənqid etdiyi iş rejimi problemləri (bunların insanlara fiziki və mənəvi zərərləri) indiki vəziyyətlə səsləşir, deməli yazarın aktual və vacib məsələyə toxunduğu dəqiqdir. Mütləq oxunacaq əsərdir deməzdim, ancaq oxuyarkən yeni fikirlər yarana bilir. Tənbəllik haqqından günümüzdə necə yararlana bilərik? Bax bu mənə hələ də qaranlıq qalır. İşdir, çıxış yolu tapsanız, aşağıda qeyd edin, fikirləriniz maraqlıdır.

Tembellik HakkıPaul Lafargue · Siyah Beyaz Yayınları · 201710,2bin okunma